ନୂଆଦିଲ୍ଲୀ,୨୫ ।୧୧: ଦିଲ୍ଲୀର ଚାନ୍ଦନି ଚୌକ ସ୍ଥିତ ଭାଗିରଥ ପ୍ୟାଲେସ ମାର୍କେଟରେ ଥିବା ଦୋକାନରେ ଭିଷଣ ଅଗ୍ନିକାଣ୍ଡ ହୋଇଛି । ଗୁରୁବାର ରାତି ପ୍ରାୟ ୯ଟା ୧୯ରେ ନିଆଁ ଲାଗିଥିବା ସୂଚନା ମିଳିଥିଲା । ଏହାପରେ ୧୭ରୁ ଅଧିକ ଦମକଳ ଗାଡି ଉକ୍ତ ସ୍ଥାନରେ ପହଞ୍ଚିଥିଲେ ।
ପୂର୍ବତନ ସ୍ୱାସ୍ଥ୍ୟମନ୍ତ୍ରୀ ହର୍ଷବର୍ଦ୍ଧନ କହିଛନ୍ତି, ନିଆଁକୁ ଆୟତ୍ତ କରିବାକୁ ଚେଷ୍ଟା ଚାଲିଛି । ଘଟଣାସ୍ଥଳରେ ଦମକଳ ଅଧିକାରୀ ଓ ପୋଲିସ ଉପସ୍ଥିତ ରହିଛନ୍ତି । ଏହି ଅଗ୍ନିକାଣ୍ଡରେ ୨ ମହଲା ଘର କ୍ଷତିଗ୍ରସ୍ତ ହୋଇଛି । ଏଥିରେ କେହି ଆହତ ହୋଇଥିବା ଅବା ନିଆଁ ଲାଗିବାର କାରଣ ଏପର୍ଯ୍ୟନ୍ତ ଜଣାପଡିନାହିଁ ।