ନିରାକାରପୁର,୧୬।୧୨(ମାନସ ଚନ୍ଦ୍ର ପଟ୍ଟନାୟକ) :ସୋମବାର ନିରାକାରପୁର ବଜାର ଭିତରେ ଭୟାବହ ଅଗ୍ନିକାଣ୍ଡ ଘଟିଛି। ଏହି ଅଗ୍ନିକାଣ୍ଡରେ ନବୀନ ବେହେରା(ବାରମଜା ଭେରାଟି ଦୋକାନ ), ଭୀମ ସେନାପତି(ମଟର ଗ୍ୟାରେଜ), ହାପି ମାଝିଙ୍କ(ପରିବା ଦୋକାନ), ଜଳିପୋଡି ପାଉଁଶ ହୋଇଯାଇଛି। ଏଥିରେ ଲକ୍ଷାଧିକ ତାଙ୍କର ଜିନିଷ ପତ୍ର ନଷ୍ଟ ହୋଇଯାଇଛି। ଏପରିକି ନବୀନଙ୍କ ଦୋକାନେରେ ଥିବା କିଛି ନଗଦ ଟଙ୍କା ମଧ୍ୟ ଏହି ନିଆଁରେ ଜଳିଯାଇଛି । ସେହିପରି ଭୀମ ସେନାପତିଙ୍କ ଗ୍ୟାରେଜଟି ଜଳି ଯାଇଥିବା ବେଳେ ରିପାରିଙ୍ଗ ପାଇଁ ଥିବା କିଛି ମୋଟର ସାଇକେଲ ମଧ୍ୟ କ୍ଷତି ଗ୍ରସ୍ତ ହୋଇଛି। ପାର୍ଶ୍ୱରେ ଥିବା ଏକ ଫାଷ୍ଟଫୁଡ ଦୋକାନ ମଧ୍ୟ ଆଂଶିକ କ୍ଷତି ଘଟିଥିବା ଦେଖିବାକୁ ମିଳିଛି । ଖବର ପାଇ ଘଟଣାସ୍ଥଳରେ ଟାଙ୍ଗୀ ଦମକଳ ବାହିନୀ ଆସି ନିଆଁକୁ ଆୟତ କରିଛି। ନିଆଁ ଲାଗିବାର କାରଣ ଅସ୍ପଷ୍ଟ ରହିଛି ।
