ଶ୍ରୀନଗର,୪ା୨: ଜମ୍ମୁ-କଶ୍ମୀରର କୁପ୍ଓ୍ବାଡା ଜିଲାର ଏକ ସେନା ଶପିଂ କମ୍ପ୍ଲେକ୍ସରେ ଅଗ୍ନିକାଣ୍ଡ ଘଟି ୮ ଦୋକାନ ନଷ୍ଟ ହୋଇଯାଇଥିବା ବେଳେ ୬ ଯବାନ ଆହତ ହୋଇଛନ୍ତି। ଅଧିକାରୀ କହିଛନ୍ତି, ଫେବୃଆରୀ ୪ରେ ଜିଲାର ଜାଙ୍ଗଲି ଅଞ୍ଚଳରେ ଥିବା ଏକ ଶପିଂ କମ୍ପ୍ଲେକ୍ସରେ ଏହି ଅଗ୍ନିକାଣ୍ଡ ଘଟିଛି। ଏହି ଘଟଣାରେ ୮ ଦୋକାନ ଜଳି ପାଉଁଶ ଯାଇଥିବା ବେଳେ ୬ ଯବାନ ଆହତ ହୋଇଛନ୍ତି।
ସୂଚନାଯୋଗ୍ୟ, କୁପ୍ଓ୍ବାଡା ଶପିଂ କମ୍ପ୍ଲେକ୍ସ ୨୮ ଏନ୍ଆଇଏଫ୍ରେ ଏହି ଅଗ୍ନିକାଣ୍ଡ ଘଟିଥଲା। କୁପ୍ଓ୍ବାଡା ଜିଲ୍ଲାର ଅଗ୍ନିଶମ ଏବଂ ଜରୁରିକାଳୀନ ସେବା ତୁରନ୍ତ ଘଟଣାସ୍ଥଳରେ ପହଞ୍ଚି ଅନେକ ଘଣ୍ଟା ଚେଷ୍ଟା ପରେ ନିଆଁକୁ ଆୟତ୍ତ କରିଥିଲେ। ଆହତ ଯବାନମାନଙ୍କୁ ତୁରନ୍ତ ଚିକିତ୍ସା ପାଇଁ ଡାକ୍ତରଖାନା ପଠାଯାଇଛି।