ସଜନାଗଡ଼, ୧୬।୪(ଡି.ଏନ.ଏ.)
ହୁତୁ ହୁତୁ ହୋଇ ଜଳୁଥିଲା ନୀଳଗିରି ସଂରକ୍ଷିତ ସ୍ବର୍ଣ୍ଣଚୂଡ଼ ଜଙ୍ଗଲ। ବହୁ ମୂଲ୍ୟବାନ ଗଛ ଜଳିପୋଡ଼ି ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ମାତ୍ର ପହଞ୍ଚତ୍ ପାରୁନି ବନବିଭାଗ। ଫଳରେ ଗ୍ରାମବାସୀ ଗରା ଓ ବାଲ୍ତି ଧରି ନିଆଁ ଲିଭାଇବାକୁ ପ୍ରୟାସ କରିଛନ୍ତି। ସେହିପରି ଜଙ୍ଗଲରୁ ନିଆଁ ଉଡ଼ି ଆସି ଘର ଜଳିଯିବା ଭୟରେ ଘର ଭିତରୁ ଆସବାବପତ୍ର ବାହାର କରୁଛନ୍ତି ଜଙ୍ଗଲ ପାଖ ବାସିନ୍ଦା।
ଗ୍ରୀଷ୍ମରତୁ ଆଗମନରେ ପତ୍ରଝଡ଼ା ଦେଉଛି ଜଙ୍ଗଲ। କ୍ଳାନ୍ତରୁ ମୁକ୍ତି ପାଇଁ ଏକାଧିକ ଲୋକ ଜଙ୍ଗଲରେ ଥିବା ଗଛମୂଳକୁ ଚାଲିଯାଉଛନ୍ତି। ମାତ୍ର ବିଡ଼ି ଓ ସିଗାରେଟ ଟାଣି ନିଆଁ ଝୁଲକୁ ସେଠାରେ ଫିଙ୍ଗି ଦେଉଛନ୍ତି। ଯାହା କିଛି ସମୟ ମଧ୍ୟରେ ବାନାଗ୍ନି ସୃଷ୍ଟି ହୋଇଯାଉଛି। ଏଭଳି ମନୁଷ୍ୟକୃତ୍ ବନାଗ୍ନି ସୃଷ୍ଟି ହୋଇ ଜଙ୍ଗଲ ପୋଡ଼ିଯାଇଛି। ଯାହାକୁ ଦେଖି ଜଙ୍ଗଲ ପାଦଦେଶରେ ରହୁଥିବା ବସ୍ତିବାସିନ୍ଦା ଭୟାତୁର ହୋଇପଡ଼ିଛନ୍ତି। ନିଜକୁ ସୁରକ୍ଷିତ ରଖିବା ପାଇଁ ବାଧ୍ୟହୋଇ ସେମାନେ ହାତରେ ଗରା ଓ ବାଲ୍ତି ଧରି ନିଆଁ ଲିଭାଉଥିବା ଦେଖିବାକୁ ମିଳିଛି। ସେପଟେ ବନବିଭାଗ ପକ୍ଷରୁ ଜଙ୍ଗଲ ପାଦଦେଶ ଅଞ୍ଚଳରେ ସଚେତନତା ତଥା ପାଟ୍ରୋଲିଂ କରାଯାଉ ନ ଥିବାରୁ ଦୁର୍ବୃତ୍ତମାନଙ୍କ ଉପଦ୍ରବ ବୃଦ୍ଧି ପାଇ ଜଙ୍ଗଲ ନଷ୍ଟ ହେଉଥିବା ଗ୍ରାମବାସୀ ଅଭିଯୋଗ କରିଛନ୍ତି।