ରାୟଗଡ଼ା,୨୨ା୧(ସ୍ବ.ପ୍ର.): ରାୟଗଡ଼ା ଜିଲା ଲୋକ ମହୋତ୍ସବ ଚଇତି ମଣ୍ଡପ ନିକଟରେ ରବିବାର ଅଗ୍ନିକାଣ୍ଡ ଘଟିଛି। ଉଦ୍ଯାପନୀ ସାରେ ଆତସବାଜି କାରଣରୁ ଏହି ଅଗ୍ନିକାଣ୍ଡ ଘଟିଥିବା ଜଣାପଡ଼ିଛି। ତେବେ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା। ଫଳରେ ଅଗ୍ନିକାଣ୍ଡରୁ ଅଳ୍ପକେ ବର୍ତ୍ତିଯାଇଥିଲା ରୋଷେଇ ଘର। ଏଥିରେ କୌଣସି କ୍ଷତି ଘଟିନାହିଁ। ଆତସବାଜିରୁ ନିଆଁ ଉଠି ନଡ଼ିଆ ଗଛ ସମେତ ତଳେ ଥିବା ଅଳିଆଗଦାରେ ନିଆଁ ଲାଗିଯାଇଥିଲା। ଶୁଖିଲା ପତ୍ର ଥିବାରୁ ନିଆଁ ବଢ଼ିବା ଆରମ୍ଭ ହୋଇଥିଲା। ହେଲେ ଦମକଳ ବାହିନୀ ପାଣି ପକାଇ ନିଆଁକୁ ଆୟତ୍ତ କରିନେଇଥିଲା। ଉଦ୍ଯାପନୀ ସନ୍ଧ୍ୟାରେ ପ୍ରାୟ ୩୦ ହଜାର ଲୋକଙ୍କ ସମାଗମ ହୋଇଥିଲା।