ଧରାକୋଟ, ୧୧।୧୨(ଡି.ଏନ୍.ଏ.): ଗଞ୍ଜାମ ଜିଲା ଧରାକୋଟ ବ୍ଲକ ଅନ୍ତର୍ଗତ ବାହାରପୁର ଗ୍ରାମପଞ୍ଚାୟତ ଡାକିବଜାର ଗ୍ରାମରେ ଗୁରୁବାର ବିଳମ୍ବିତ ଅଗ୍ନିକାଣ୍ଡ ଘଟିଛି। ଏଥିରେ ଗ୍ରାମର ୫ ପରିବାରଙ୍କ ୬ ବଖରା ଜଳିଯାଇଛି। କ୍ଷତିଗ୍ରସ୍ତମାନେ ହେଲେ ବିଜୟ କୁମାର ବାଡିତ୍ୟା, କୃଷ୍ଣ ଚନ୍ଦ୍ର ସାହୁ, ବିଜୟ କୁମାର ପାଢ଼ୀ, ଟିଟି ପାଢ଼ୀ, ଦ୍ୟୁତିକୃଷ୍ଣ ପାଢ଼ୀ। ଖବର ପାଇ ଧରାକୋଟ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲେ। ଫଳରେ ଅଧିକ କ୍ଷତିଗ୍ରସ୍ତ ହେବାରୁ ବର୍ତ୍ତି ଯାଇଛି। କ୍ଷତିଗ୍ରସ୍ତ ପରିବାରକୁ ତୁରନ୍ତ ରାଜସ୍ବ ବିଭାଗ ପକ୍ଷରୁ ଆକଳନ କରାଯାଇ କ୍ଷତିପୂରଣ ଦେବାକୁ ସଂଗଠନ ତଥା ବିଜୁ ଛାତ୍ର ଜନତା ବ୍ଲକ ସଭାପତି ମାନସ ରଞ୍ଜନ ଜେନା ଦାବି କରିଛନ୍ତି। ତେବେ ଅଗ୍ନିକାଣ୍ଡର କାରଣ ଜଣାପଡ଼ି ନାହିଁ।