ନୋଏଡା,୧୨।୧: ଗ୍ରେଟର ନୋଏଡା ଫେଜ୍-୨ କ୍ଷେତ୍ରରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ସାଙ୍ଗ ଝିଅର ଜନ୍ମଦିନକୁ ଯାଉଥିବା କିଛି ଯୁବକମାନେ ଗାଡିର ଛାତରେ ବାଣ ଫୁଟାଇଛନ୍ତି। ସର୍ବସାଧାରଣ ସ୍ଥାନରେ ଅର୍ଥାତ୍ ଟ୍ରାଫିକ୍ରେ ଏପରି କାଣ୍ଡ ଘଟିବାରୁ ଆଖପାଖରେ ଯାଉଥିବା ଲୋକମାନେ ଭୟଭୀତ ହୋଇଯାଇଛନ୍ତି।
ସୂଚନାଥାଉ କି, ସୋସିଆଲ ମିଡିଆ ଏକ୍ସରେ ଏକ ୧୬ସେକେଣ୍ଡର ଭିଡିଓ ଭାଇରାଲ ହୋଇଛି। ଯେଉଁଥିରେ କଳା ରଙ୍ଗର ସ୍କପିଓ କାର୍ ଉପରେ କିଛି ଯୁବକ ବାଣ ଫୁଟାଇ ଆତଶବାଜୀ କରୁଛନ୍ତି। ଭିଡିଓରେ ବାଣ ଫୁଟାଇବା ସ୍ଥାନରେ ଗହଳିଚହଳି ଦେଖିବାକୁ ମିଳିଛି।
ଲୋକ ଏପରି ଘଟଣାରେ ଭୟଭୀତ ହୋଇଯାଉଥିବାର ଦେଖି ମଧ୍ୟ ଯୁବକମାନେ ସେମାନଙ୍କ ଦୌରାତ୍ମରୁ ବାଦ୍ ପଡୁ ନ ଥିଲେ। ପରେ ପୋଲିସ ଘଟଣା ସ୍ଥଳରେ ପହଞ୍ଚି କାର୍କୁ ଜବତ କରିବା ସହ ଦୁଇ ଯୁବକଙ୍କ ବିରୋଧରେ ମାମଲା ଦାଖଲ କରିଛି।