ଆସିକା/ଭଞ୍ଜନଗର,୧୮।୫ (ଡି.ଏନ୍.ଏ): ଗଞ୍ଜାମ ଜିଲା ଆସିକା ଅଗ୍ନିଶମ କେନ୍ଦ୍ରର ଜଣେ ଡ୍ରାଇଭର (ହାବିଲଦାର) ସୋମବାର ରାତିରେ ଆତ୍ମହତ୍ୟା କରିଛନ୍ତି। ସେ ହେଲେ ଦୟାନିଧି ମହାନ୍ତ। ଗାଙ୍ଗପୁର ଥାନା ଅନ୍ତର୍ଗତ ବୁଢ଼ାକେନ୍ଦୁ ଜଙ୍ଗଲରେ ବେକରେ ରଶି ଲଗାଇ ସେ ଝୁଲି ପଡ଼ିମଥିଲେ। ମଙ୍ଗଳବାର ସକାଳେ ବୁଢ଼ାକେନ୍ଦୁ ମନ୍ଦିର ଅଞ୍ଚଳର ଲୋକେ ଏହା ଜାଣିବା ପରେ ଗାଙ୍ଗପୁର ଥାନାକୁ ଜଣାଇଥିଲେ। ପୋଲିସ ପହଞ୍ଚି ମୃତଦେହ ଜବତ କରିଥିଲା। ସେଠାରୁ ଏକ ସୁଇସାଇଡ ନୋଟ ମଧ୍ୟ ଜବତ କରାଯାଇଥିଲା। ଛୁଟି ନ ମିଳିବାରୁ ଏଭଳି ଚରମ ନିଷ୍ପତ୍ତି ନେଲେ ବୋଲି ଦୟାନିଧି ସେଥିରେ ଉଲ୍ଲେଖ କରିଛନ୍ତି। ପ୍ରଧାନମନ୍ତ୍ରୀ ଓ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ତାଙ୍କ ଝିଅପୁଅଙ୍କ ଦାୟିତ୍ୱ ନେବାକୁ ଗୁହାରି କରିବା ସହ ଆହୁରି ଅନେକ କଥା ସୁଇସାଇଡ୍ ନୋଟରେ ଲେଖାଯାଇଛି। ଭଞ୍ଜନଗର ହସ୍ପିଟାଲରେ ମୃତଦେହ ବ୍ୟବଚ୍ଛେଦ ହୋଇ ଆସିବା ପରେ ଅଗ୍ନିଶମ କର୍ମଚାରୀଙ୍କୁ ହସ୍ତାନ୍ତର କରାଯାଇଛି। ଏଠାରୁ ମୃତଦେହକୁ ଦୟାନିଧିଙ୍କ ନିଜ ଗ୍ରାମ କେନ୍ଦୁଝର ଜିଲା ତୁରୁମଗଁା ଥାନା ଅନ୍ତର୍ଗତ ବୁଢ଼ିକାପୁଡ଼ିକୁ ପଠାଯିବ ବୋଲି ଜଣାପଡିଛି।
ଦୟାନିଧି କନ୍ଧମାଳ ଜିଲା ରାଇକିଆରେ କାର୍ଯ୍ୟରତ ଥିବାବେଳେ ଗତ କିଛିମାସ ତଳେ ଆସିକାକୁ ଡେପୁଟେଶନରେ ଆସିଥିଲେ। ସୋମବାର ରାତି ପ୍ରାୟ ୯ଟାରୁ ଦୟାନିଧି ଅଗ୍ନିଶମ ଗାଡି ଧରି କେଉଁଆଡ଼େ ଚାଲିଯାଇଥିଲେ। ମୋବାଇଲ ଫୋନ ସୁଇଚ୍ ଅଫ୍ ଥିବାରୁ ଅଗ୍ନିଶମ କେନ୍ଦ୍ର କର୍ମଚାରୀମାନେ ତାଙ୍କ ସହ ଯୋଗାଯୋଗ କରିପାରି ନ ଥିଲେ। ମଙ୍ଗଳବାର ସକାଳେ ବୁଢ଼ାକେନ୍ଦୁ ଜଙ୍ଗଲରୁ ଝୁଲନ୍ତା ଅବସ୍ଥାରେ ତାଙ୍କ ମୃତଦେହ ମିଳିଥିଲା।
ପୋଲିସ ସେଠାରୁ ଜବତ କରିଥିବା ସୁଇସାଇଡ୍ ନୋଟରେ ଲାଞ୍ଚ ନ ଦେବାରୁ ବଦଳି ଆଦେଶ କାର୍ଯ୍ୟକାରୀ ନ ହେବା ଓ ଦୂର ସ୍ଥାନକୁ ଉଦ୍ଦେଶ୍ୟମୂଳକ ଭାବେ ବଦଳି କରାଯାଇଥିବା, ଛୁଟି ନ ମିଳିବା ଯୋଗୁ ମା’ବାପାଙ୍କୁ ହରାଇଲି ଓ ସ୍ତ୍ରୀ ଛାଡ଼ି ପଳାଇଲେ। ଛୁଟି ମାଗିଲେ ମିଳୁନି। ମୋର ୧୫ଟି ଛୁଟି ଲାପ୍ସ ହୋଇଗଲା। ଆଉ ବଞ୍ଚତ୍ କିଛି ଲାଭ ନାହିଁ। ମୋ ଆତ୍ମହତ୍ୟାରେ ଡିଜିଙ୍କ କୌଣସି ଭୁଲ ନାହିଁ । ସେ ମୋ ଗ୍ରାମକୁ ବଦଳି ପାଇଁ ଲେଖି ଦେଇଥିଲେ। କିନ୍ତୁ ଲାଞ୍ଚ ନ ଦେବାରୁ ଆଦେଶ କାର୍ଯ୍ୟକାରୀ ହେଲାନି। ସମସ୍ତଙ୍କୁ ହରାଇବା ପରେ ମାନସିକ ଭାରସାମ୍ୟ ହରାଇ ଶେଷ ନିଷ୍ପତ୍ତି ନେବାକୁ ବାଧ୍ୟ ହେଲି ବୋଲି ଦୟାନିଧି ସୁଇସାଇଡ ନୋଟରେ ଲେଖିଥିବା ଜଣାପଡିଛି। ଅନ୍ୟପକ୍ଷରେ ମଙ୍ଗଳବାର ଆସିକା ଅଗ୍ନିଶମ କେନ୍ଦ୍ର ପକ୍ଷରୁ ଆସିକା ଥାନାରେ ଡ୍ରାଇଭର ଦୟାନିଧିଙ୍କ ନିଖୋଜ ସମ୍ପର୍କରେ ଏକ ଅଭିଯୋଗ ଦାଖଲ ଲାଗି ଉଦ୍ୟମ କରାଯାଇଥିଲା ା ମୃତଦେହ ଠାବ ପରେ ନିଖୋଜ ମାମଲା କିଭଳି ରୁଜୁ ହେବ ବୋଲି କହି ଥାନା ଅଧିକାରୀ ପ୍ରଶାନ୍ତ କୁମାର ସାହୁ ତାହା ଗ୍ରହଣ କରି ନ ଥିବା ସୂଚନା ଦେଇଛନ୍ତି। ବୁଢାକେନ୍ଦୁ ଜଙ୍ଗଲ ନିକଟରୁ ପୋଲିସ ଜବତ କରିଥିବା ଦମକଳ ଗାଡିକୁ ଅଗ୍ନିଶମକୁ ହସ୍ତାନ୍ତର କରିିଛି ା ସୁଇସାଇଡ ନୋଟ ସମ୍ପର୍କରେ ପଚାରିବାରେ ତଦନ୍ତ ପରେ ଏହା ସ୍ପଷ୍ଟ ହେବ ବୋଲି ଗାଙ୍ଗପୁର ଥାନା ଅଧିକାରୀ ଶୁଭେନ୍ଦୁ କୁମାର ସାହୁ କହିଛନ୍ତି।