ଛତ୍ରପୁର, ୧୫।୩(ସନ୍ତୋଷ ପାଢ଼ୀ ): ହୋଲି ଖେଳ ପରେ ଗଞ୍ଜାମ ଜ଼ିଲ୍ଲାରେ ଥିବା ସମୁଦ୍ର, ଋଷିକୂଲ୍ୟା ନଦୀ ଏବଂ ତାମ୍ପରା ହ୍ରଦରେ ଲୋକେ ଗାଧୋଇବାକୁ ପସନ୍ଦ କରିଥାନ୍ତି। ବିଶେଷକରି ବିଭିନ୍ନ ସମୟରେ ଋଷିକୂଲ୍ୟା, ସମୁଦ୍ର ଓ ତାମ୍ପରାରେ ବହୁ ଲୋକେ ବୁଡ଼ିଯାଇ ସେମାନଙ୍କ ମୃତ୍ୟୁ ହେବାର ନଜିର ଅଛି । ଏହି ପରିପ୍ରେକ୍ଷୀରେ ଛତ୍ରପୁର ଅଗ୍ନିଶମ କେନ୍ଦ୍ର ପକ୍ଷରୁ ଆର୍ଯ୍ୟପଲି ନିକଟ ସମୁଦ୍ର ବେଳାଭୂମି, ବଟେଶ୍ୱର ମନ୍ଦିର ନିକଟ ସମୁଦ୍ର ବେଳାଭୂମି,ଋଷିକୂଲ୍ୟା ନଦୀ ମୁହାଁଣ, ତାମ୍ପରା ହ୍ରଦ, ଋଷିକୂଲ୍ୟା ନଦୀ କଂସାରୀ ଗଣ୍ଡକୁ ବ୍ଲାକ ସ୍ପଟ ଭାବେ ଚି଼ହ୍ନଟ କରାଯାଇଛି । ହୋଲି ଖେଳ ପରେ ଏହି ସବୁ ସ୍ଥାନରେ ଲୋକେ ଗାଧୋଇବାକୁ ଯିବେ। ଏନେଇ ଲୋକଙ୍କୁ ସତର୍କ କରିବା ସହ ଉଦ୍ଧାର କାର୍ଯ୍ୟ ପାଇଁ ଅଗ୍ନିଶମ କେନ୍ଦ୍ର ର 5 ଟି ଟିମ ସମସ୍ତ ଇକ୍ୟୁପମେଣ୍ଟ, ବୋଟ, କ୍ୟାମେରା ଆଦି ନେଇ ମୁତୟନ ରହିବେ ଏସମ୍ପର୍କରେ ଛତ୍ରପୁର ଅଗ୍ନିଶମ କେନ୍ଦ୍ର ର ଆସିଷ୍ଟାଣ୍ଟ ଫାୟାର ଅଫିସର ଧନଞ୍ଜୟ ମଲିକ ଗଣମାଧ୍ୟମକୁ ସୂଚନା ଦେଇଛନ୍ତି।
