![](https://www.dharitri.com/wp-content/uploads/2021/10/Zika.jpg)
କାନପୁର,୨୪ ।୧୦: ଉତ୍ତର ପ୍ରଦେଶର କାନପୁରରେ ଦେଶର ପ୍ରଥମ ଜିକା ଭାଇରସ ରୋଗୀ ଚିହ୍ନଟ ହୋଇଥିବା ସୂଚନା ମିଳିଛି । ଏହାପରେ ଦିଲ୍ଲୀରୁ ବିଶେଷଜ୍ଞ ଟିମ କାନପୁରରେ ପହଞ୍ଚି ରୋଗୀଙ୍କ ସଂସ୍ପର୍ଶରେ ଆସିଥିବା ଲୋକଙ୍କ ସାମ୍ପଲ କଲେକ୍ସନ କରିଛନ୍ତି । ଏହାପରେ ସମସ୍ତ ସାମ୍ପଲକୁ ଟେଷ୍ଟ ପାଇଁ ପଠାଇ ଦିଆଯାଇଛି । ମିଳିଥିବା ସୂଚନା ଅନୁଯାୟୀ ରୋଗୀ ଜଣଙ୍କ ବାୟୁସେନା ଷ୍ଟେଶନର କର୍ମଚାରୀ । ତାଙ୍କୁ ଏୟାରଫୋର୍ସ ହସ୍ପିଟାଲରେ ଭର୍ତ୍ତି କରାଯାଇଛି । ଲକ୍ଷଣ ଆଧାରରେ ହସ୍ପିଟାଲ ପକ୍ଷରୁ ତାଙ୍କର ସାମ୍ପଲ ଯାଞ୍ଚ ପାଇଁ ପୁଣେ ପଠାଯାଇଥିଲା । ଜିକା ଭାଇରସରେ ପୀଡ଼ିତ ବାୟୁସେନା ୱାରଂଟ ଅଧିକାରୀ ଗତ କିଛିଦିନ ହେବ ଜ୍ୱରରେ ପୀଡ଼ିତ ଥିଲେ । ତେବେ ଭାଇରସର ପ୍ରସାର ହୋଇଛି କି ନା ଜାଣିବା ପାଇଁ ୧୦ଟି ଟିମ୍ ଗଠନ କରାଯାଇଥିବା କୁହାଯାଉଛି ।