ନୂଆଦିଲ୍ଲୀ,୭।୧୧: ଚଳିତ ଟି୨୦ ବିଶ୍ୱକପ୍ରେ ନ୍ୟୁଜିଲାଣ୍ଡ ତା’ର ଅନ୍ତିମ ଲିଗ୍ ମ୍ୟାଚ୍ରେ ଆଫଗାନିସ୍ତାନକୁ ହରାଇ ଦେଇଛି। ମ୍ୟାଚ୍ର ଏଭଳି ଫଳାଫଳ ଯୋଗୁ ସେମିଫାଇନାଲ ଦୌଡ଼ରୁ ବାଦ୍ ପଡ଼ିଛି ଟିମ୍ ଇଣ୍ଡିଆ। ୯ ବର୍ଷ ପରେ ପ୍ରଥମ ଥର ପାଇଁ ଭାରତୀୟ ଦଳ ଆଇସିସି ଟି୨୦ ବିଶ୍ୱକପ୍ର ସେମିଫାଇନାଲକୁ ଉନ୍ନୀତ ହୋଇପାରି ନାହିଁ। ଅନ୍ତିମ ଥର ୨୦୧୨ ସଂସ୍କରଣରେ ଟିମ୍ ଇଣ୍ଡିଆ ସେମିଫାଇନାଲକୁ ଯୋଗ୍ୟତା ହାସଲ କରିପାରି ନ ଥିଲା। ଏହାର ପରବର୍ତ୍ତୀ ଟି୨୦ ବିଶ୍ୱକପ୍ରେ ଶ୍ରୀଲଙ୍କା ଠାରୁ ଫାଇନାଲରେ ପରାସ୍ତ ହୋଇଥିଲା ଭାରତ। ୨୦୧୬ ଖେଳାଯାଇଥିବା ସଂସ୍କରଣରେ ଭାରତ ସେମିଫାଇନାଲରେ ଓ୍ବେଷ୍ଟଇଣ୍ଡିଜ ଠାରୁ ହାରିଥିଲା।