ପାଟନା, ୨୮।୭: ଲଗାତାର ବର୍ଷା ଯୋଗୁ ବିହାରରେ ବନ୍ୟା ଦେଖାଦେଇଛି। ରାସ୍ତାଘାଟ ବନ୍ୟା ଜଳରେ ବୁଡ଼ି ରହିଛି। ଏପରିସ୍ଥଳେ ଦରଭଙ୍ଗାର କୁଶେଶ୍ୱରସ୍ଥାନ ପୋଲିସ ଷ୍ଟେଶନରେ ବନ୍ୟା ଜଳ ପଶିଛି। ଷ୍ଟେଶନରେ ମାଛ ଏବଂ ସାପ ଖେଳୁଥିବାର ଫଟୋ ଓ ଭିଡ଼ିଓ ଏବେ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି। ତେବେ ବି ପୋଲିସ ଜୀବନକୁ ଖାତିର ନ କରି ଡ୍ୟୁଟି କରୁଛନ୍ତି। ପାଟ୍ରୋଲିଂ ପାଇଁ ପୋଲିସଙ୍କ ପାଖରେ ବୋଟ୍ ନ ଥିବା ଷ୍ଟେଶନ ପକ୍ଷରୁ ଅଭିଯୋଗ କରାଯାଇଛି। ତେଣୁ ଷ୍ଟେଶନର କର୍ମଚାରୀମାନେ ଟଙ୍କା ଆଦାୟ କରି ଭଡ଼ାରେ ବୋଟ୍ ଆଣି ନିକଟବର୍ତ୍ତୀ ଗାଁ ଗୁଡ଼ିକୁ ପାଟ୍ରୋଲିଂରେ ଯାଉଥିବା କୁହାଯାଉଛି। ଷ୍ଟେଶନର କେତେକ ଗୁରୁତ୍ୱପୂର୍ଣ୍ଣ କାଗଜପତ୍ର ପାଣିରେ ନଷ୍ଟ ହୋଇଯାଇଛି।
