ପାଟନା,୧୪।୪: ଯେଉଁମାନେ ଜେଲରେ ଅଛନ୍ତି ଏବଂ ଜାମିନରେ ଆସିଛନ୍ତି ସେମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଜେଲକୁ ପଠାଇବା ବିଷୟରେ କହୁଛନ୍ତି। ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ରବିବାର ଆରଜେଡି ସୁପ୍ରିମୋ ଲାଲୁ ଯାଦବଙ୍କ ଝିଅ ମିସା ଭାରତୀ ଏବଂ ପୁଅ ତେଜସ୍ବୀ ଯାଦବଙ୍କ ଉପରେ ସେ ବର୍ଷିଛନ୍ତି। ତେଜସ୍ବୀଙ୍କୁ ଟାର୍ଗେଟ କରି ରାଜନାଥ ସିଂ ଅଭିଯୋଗ କରିଛନ୍ତି ଯେ, କିଛି ନେତା ଭୋଟରଙ୍କ ଏକ ବର୍ଗକୁ ଖୁସି କରିବା ପାଇଁ ନବରାତ୍ରୀ ସମୟରେ ମାଂସାହାରୀ ଖାଦ୍ୟର ଭିଜୁଆଲ ପୋଷ୍ଟ କରୁଛନ୍ତି।
ତେଜସ୍ବୀ ଯାଦବଙ୍କ ନାମ ନ ରଖି ରାଜନାଥ ସିଂ ବିହାରର ଜାମୋଇରେ ଏକ ପାର୍ଟି ସଭାରେ କହିଛନ୍ତି, ଆପଣ ନବରାତ୍ରୀ ସମୟରେ ମାଛ ଖାଉଛନ୍ତି। ଆପଣ କେଉଁ ବାର୍ତ୍ତା ପଠାଇବାକୁ ଚାହୁଁଛନ୍ତି? ଆପଣ ଯାହା ଚାହଁୁଛ ମାଛ, ଘୁଷୁରୀ, କପୋତ, ହାତୀ, ଘୋଡା ଯାହା ଖାଇବାର ଅଛି ଖାଅ, ଦେଖାଇବାର ଆବଶ୍ୟକତା କ’ଣ? ଏହା କେବଳ ଭୋଟ ପାଇଁ, ଆପତ୍ତିଜନକ ରାଜନୀତି ପାଇଁ କରୁଛ। ସେ ଭାବୁଛନ୍ତି ଯେ ଏକ ନିର୍ଦ୍ଦିଷ୍ଟ ଧର୍ମର ଲୋକମାନେ ଏହି କାରଣରୁ ସେମାନଙ୍କୁ ଭୋଟ ଦେବେ। ଲାଲୁ ଜୀ ମୁଁ ଏପରି ଲୋକଙ୍କୁ ସମ୍ଭାଳିବାକୁ ଆପଣଙ୍କୁ ଅନୁରୋଧ କରୁଛି।
ଉପରୋକ୍ତ ମନ୍ତବ୍ୟ ମାଧ୍ୟମରେ ପ୍ରତିରକ୍ଷା ମନ୍ତ୍ରୀ ତେଜସ୍ବୀ ଯାଦବଙ୍କୁ ନିକଟରେ ତାଙ୍କୁ ଭିଡିଓ ପାଇଁ ଟାର୍ଗେଟ କରିଛନ୍ତି, ଯେଉଁଥିରେ ସେ ମାଛ ଖାଉଥିବାର ନଜର ଆସିଛନ୍ତି। ନବରାତ୍ରୀ ପର୍ବ ଆରମ୍ଭ ହେବା ପରେ ଏହି ଭିଡିଓ ପୋଷ୍ଟ କରାଯାଇଥିଲା।