Posted inଜାତୀୟ

ସମ୍ପତ୍ତି ବାଜ୍ୟାପ୍ତି ନୋଟିସ ପରେ ଭାଗ୍ୟ ବଦଳାଇଲା ଲଟେରି

ଥିରୁଭାନନ୍ତପୁରମ, ୧୫।୧୦: ଭାଗ୍ୟ ବଦଳିବା ପାଇଁ ବେଶି ସମୟ ଲାଗେ ନାହିଁ। କିନ୍ତୁ ଏଥିଲାଗି ଧୈର୍ଯ୍ୟର ଆବଶ୍ୟକତା ରହିଥାଏ। ଭାଗ୍ୟର ବିପର୍ଯ୍ୟୟ ବେଳେ ଲୋକଙ୍କୁ ଦୁଃଖର ସାମ୍ନା କରିବାକୁ ପଡ଼ିଥିବାବେଳେ ଭାଗ୍ୟ ଉଦୟ ହେଲେ ମିଳେ ଖୁସି। ଗୋଟିଏ ଦିନରେ ବଦଳିଯାଇଛି କେରଳର ୪୦ ବର୍ଷୀୟ ପୁକୁଞ୍ଜୁଙ୍କ ଭାଗ୍ୟ, ଯାହା ତାଙ୍କ ଜୀବନ ପାଇଁ ଚିର ସ୍ମରଣୀୟ ହୋଇ ରହିବ। ଯେଉଁଦିନ ବ୍ୟାଙ୍କରୁ ସମ୍ପତ୍ତି ବାଜ୍ୟାପ୍ତି ନୋଟିସ ଆସିଛି ସେହିଦିନ ଲଟେରି ତାଙ୍କ ଜୀବନରେ ଖୁସି ଆଣିଦେଇଛି। ମାଛ ବେପାରୀ ପୁକୁଞ୍ଜୁ ଘର ତିଆରି ପାଇଁ ବ୍ୟାଙ୍କରୁ ଲୋନ୍‌ ଆଣିଥିଲେ। କିନ୍ତୁ ଠିକ୍‌ ସମୟରେ ଋଣ ବାବଦକୁ ୧୨ ଲକ୍ଷ ଟଙ୍କା ପରିଶୋଧ ନ କରିବାରୁ ଗତ ୧୨ ତାରିଖ ବୁଧବାର ମଧ୍ୟାହ୍ନରେ ବ୍ୟାଙ୍କରୁ ତାଙ୍କ ପାଖକୁ ସମ୍ପତ୍ତି ବାଜ୍ୟାପ୍ତି ନୋଟିସ ଆସିଥିଲା। ବ୍ୟାଙ୍କ ନୋଟିସକୁ ନେଇ ପୁକୁଞ୍ଜୁ ଚିନ୍ତାଗ୍ରସ୍ତ ହୋଇପଡ଼ିଥିବାବେଳେ କିଛି ଘଣ୍ଟା ମଧ୍ୟରେ ତାଙ୍କ ପାଖରେ ଏମିତି ଖବର ପହଞ୍ଚିଥିଲା ଯାହା ତାଙ୍କ ଆଖିରୁ ଆନନ୍ଦର ଲୋତକ ଝରାଇ ଦେଇଥିଲା। ଅକ୍ଷୟ ଲଟେରିରୁ ପ୍ରଥମ ପ୍ରାଇଜ୍‌ ମନି ୭୦ ଲକ୍ଷ ଟଙ୍କା ପୁକୁଞ୍ଜୁ ଜିତିଯାଇଥିବା ଜାଣିବାକୁ ପାଇଥିଲେ।
ପୁକୁଞ୍ଜୁ କେରଳର ମାଇନାଜପ୍ପାଲ୍ଲିରେ ସ୍କୁଟରରେ ଗାଁ ଗାଁ ବୁଲି ମାଛ ବେପାର କରନ୍ତି। ବ୍ୟବସାୟ ଟଙ୍କାରେ ଘର ତୋଳିବା ତାଙ୍କ ପକ୍ଷେ କଷ୍ଟକର ହୋଇପଡ଼ିଥିବା କାରଣରୁ ସ୍ଥାନୀୟ କର୍ପୋରେଶନ୍‌ ବ୍ୟାଙ୍କରୁ ସେ ୯ ଲକ୍ଷ ଟଙ୍କାର ଋଣ ଆଣିବାକୁ ମନସ୍ଥ କଲେ ଓ ପରବର୍ତ୍ତୀ ସମୟରେ ବ୍ୟାଙ୍କ ତାଙ୍କୁ ଋଣ ମଧ୍ୟ ଦେଲା। ବ୍ୟବସାୟରୁ ଭଲ ଲାଭ ନ ମିଳିବାରୁ ଲୋନ୍‌ ଟଙ୍କା ପରିଶୋଧ କରିବାରେ ବିଳମ୍ବ ହେଉଥିବାବେଳେ ସୁଧ ଜମାରେ ଅନିୟମିତତା ଦେଖାଯାଇଥିଲା। ବ୍ୟାଙ୍କ ଋଣ ବାବଦକୁ ୧୨ ଲକ୍ଷ ଟଙ୍କା ଶୁଝିବାକୁ ଅଛି। ଅନ୍ୟପକ୍ଷେ ଲଟେରି ଟିକେଟ କିଣିବା ପାଇଁ ପୁକୁଞ୍ଜୁଙ୍କ ବାପା ଲୋକଙ୍କଠାରୁ ୫ ଲକ୍ଷ ଟଙ୍କାର ଧାର ଉଧାରି କରିଥିଲେ।
ସବୁ କରଜ ଶୁଝିବାର ବୋଝ ପୁକୁଞ୍ଜୁଙ୍କ ଉପରେ ରହିଛି। ଜଣଙ୍କ ରୋଜଗାରରେ ପରିବାର ଚଳାଇବା, ପିଲାଙ୍କ ପାଠପଢ଼ା ସାଙ୍ଗକୁ ଋଣ ଭାର, ଯେମିତି ବୋଝ ଉପରେ ନଳିତା ବିଡ଼ା ସଦୃଶ। ଜିତିଥିବା ଲଟେରି ଟଙ୍କା ପୁକୁଞ୍ଜୁଙ୍କୁ ଅନେକ ମାତ୍ରାରେ ଆଶ୍ୱସ୍ତି ଦେଇଛି। ପ୍ରାଇଜ ମନିରେ ପ୍ରଥମେ ସବୁ କରଜ ଓ ବ୍ୟାଙ୍କ ଋଣ ପରିଶୋଧ କରାଯିବ। ଏହାପରେ ଝିଅ,ପୁଅଙ୍କ ପଢ଼ାପଢ଼ି ଓ ଉଜ୍ଜ୍ୱଳ ଭବିଷ୍ୟତ ପାଇଁ ଆଉ କିଛି ଟଙ୍କା ରଖାଯିବା ପରେ ଅନ୍ୟ ବାବଦକୁ ଟଙ୍କା ଖର୍ଚ୍ଚ କରିବେ ବୋଲି ପୁକୁଞ୍ଜୁଙ୍କ ସ୍ତ୍ରୀ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଖୁସିରେ ଗଦ୍‌ଗଦ୍‌ ଅଜିତ ପାଓ୍ବାର: ଭଣଜାଙ୍କୁ କହିଦେଲେ ଏମିତି କଥା

ପୁଣେ,୨୫।୧୧: ମହାରାଷ୍ଟ୍ର ବିଧାନସଭା ନିର୍ବାଚନରେ ବିଜୟ ପରେ ଏନସିପି ମୁଖ୍ୟ ଅଜିତ ପାୱାରଙ୍କ ଆତ୍ମବିଶ୍ୱାସ ଚରମ ସୀମାରେ ରହିଛି। ସେ ଭଣଜା ରୋହିତ ପାୱାରଙ୍କ ବିଜୟକୁ...

ପାର୍ଲାମେଣ୍ଟକୁ ସାଇକେଲରେ ଆସିଲେ ଟିଡିପି ଏମ୍‌ପି

ନୂଆଦିଲ୍ଲୀ,୨୫।୧୧: ପାର୍ଲାମେଣ୍ଟର ଶୀତକାଳୀନ ଅଧିବେଶନ ସୋମବାର ଆରମ୍ଭ ହୋଇଯାଇଛି। ଅଧିବେଶନରେ ଯୋଗଦେବାକୁ ଟିଡିପି ଏମ୍‌ପି ଆପାଲା ନାଇଡୁ ସାଇକେଲରେ ଆସି ପାର୍ଲାମେଣ୍ଟରେ ପହଞ୍ଚିଥିଲେ। ଏହି ଅବସରରେ...

୧୫୫ ଖଣ୍ଡ ଭୋଟ ମିଳିବା ପରେ ଟ୍ରୋଲ ହେଉଛନ୍ତି ଏହି ଅଭିନେତା: ଜବାବ ମିଳିଲା ଏମିତି…

ପୁଣେ,୨୫।୧୧: ନଭେମ୍ବର ୨୦ରେ ମହାରାଷ୍ଟ୍ରରେ ନିର୍ବାଚନ ଅନୁଷ୍ଠିତ ହୋଇଥିଲା ଏବଂ ନଭେମ୍ବର ୨୩ରେ ଭୋଟ ଗଣତି ପରେ ଫଳାଫଳ ଘୋଷଣା କରାଯାଇଥିଲା। ଏହି ନିର୍ବାଚନରେ ଅନେକ...

ଶୀତକାଳୀନ ଅଧିବେଶନ ଆରମ୍ଭରୁ ହୋ-ହଲ୍ଲା: ଗୃହକୁ ସ୍ଥଗିତ ରଖିଲେ ବାଚସ୍ପତି

ନୂଆଦିଲ୍ଲୀ,୨୫ା୧୧: ପାର୍ଲାମେଣ୍ଟର ଶୀତକାଳୀନ ଅଧିବେଶନ ସୋମବାର ଆରମ୍ଭ ହୋଇଯାଇଛି। ବାଚସ୍ପତି ଓମ୍‌ ବିର୍ଲା ଅଧିବେଶନ ଆରମ୍ଭରେ ଲୋକ ସଭାରେ ଶୋକ ପ୍ରସ୍ତାବ ଆଗତ କରିଥିଲେ। ଏହି...

ଶୀତ ଅଧିବେଶନ ପୂର୍ବରୁ ବିପକ୍ଷଙ୍କୁ ଟାର୍ଗେଟ୍‌ କଲେ ମୋଦି

ନୂଆଦିଲ୍ଲୀ,୨୫।୧୧: ଶୀତ ଅଧିବେଶନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗଣମାଧ୍ୟମକୁ ସମ୍ବୋଧିତ କରିଛନ୍ତି। ସେ କହିଛନ୍ତି, ଶୀତ ଅଧିବେଶନ ଆଜିଠାରୁ ଆରମ୍ଭ ହେଉଛି ଏବଂ ପରିବେଶ...

ସ୍ବାମୀଙ୍କ ନାଁରେ ଏମିତି ଅଭିଯୋଗ ଆଣିଲେ ନବବିବାହିତା: ମୁଣ୍ଡରେ ହାତ ଦେଲା ପୋଲିସ

ନୂଆଦିଲ୍ଲୀ,୨୫।୧୧: ଉତ୍ତର ପ୍ରଦେଶର ଆଗ୍ରାରେ ଏକ ଅଜବ ଘଟଣା ଘଟିଛି। ଜଣେ ନବବିବାହିତ ସ୍ବାମୀଙ୍କ ନାଁରେ ସଙ୍ଗୀନ ଅଭିଯୋଗ ଆଣିଛନ୍ତି। ଲିପଷ୍ଟିକ ଏବଂ ପାଉଡର ଆଣିବାକୁ...

ମେଣ୍ଟ ସହଯୋଗୀଙ୍କ ମଧ୍ୟରେ ସମନ୍ବୟ ନ ଥିଲା: କଂଗ୍ରେସ

ମୁମ୍ବାଇ, ୨୫।୧୧: ମହାରାଷ୍ଟ୍ର ବିଧାନସଭା ନିର୍ବାଚନରେ ପରାଜୟ ପରେ ମହା ବିକାଶ ଅଘାଡ଼ି ମେଣ୍ଟରେ ଆରୋପ ପ୍ରତ୍ୟାରୋପ ରାଜନୀତି ଆରମ୍ଭ ହୋଇଛି। ମହା ବିକାଶ ଅଘାଡ଼ି(ଏମ୍‌ଭିଏ)...

ପୋଲିସ ଗୁଳିରେ ୪ ମୃତ

ସମ୍ଭଲ(ୟୁପି),୨୫ା୧୧: ଉତ୍ତରପ୍ରଦେଶର ସମ୍ଭଲସ୍ଥିତ ଏକ ମସ୍‌ଜିଦରେ ରବିବାର ସକାଳେ ସର୍ଭେ ଚାଲିଥିବାବେଳେ ପୋଲିସ ଓ ଏକ ନିର୍ଦ୍ଦିଷ୍ଟ ସମ୍ପ୍ରଦାୟର ଲୋକଙ୍କ ମଧ୍ୟରେ ସଂଘର୍ଷ ଘଟିଛି। ଉକ୍ତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri