ସୁନା ଅଧିକ ମହଙ୍ଗା ହେବା ସହିତ ଲୋକଙ୍କୁ ଆକର୍ଷିତ ମଧ୍ୟ କରିଥାଏ। ଏହାର ମୂଲ୍ୟ ହେତୁ ସୁନା କିଣିବା ସମସ୍ତଙ୍କ ପକ୍ଷେ ସମ୍ଭବ ନୁହେଁ। କିନ୍ତୁ ଇଣ୍ଡୋନେସିଆରୁ ଏପରି ଏକ ଘଟଣା ସାମ୍ନାକୁ ଆସିଛି, ଯେଉଁଠାରେ ହଠାତ୍ ଏକ ନଦୀରୁ ସୁନା ଦ୍ୱୀପ ସୃଷ୍ଟି ହୋଇଛି। ଏଠାରୁ ଲୋକମାନେ ସୁନା ଅଳଙ୍କାର, ମୁଦି, ବୌଦ୍ଧ ମୂର୍ତ୍ତି ଏବଂ ମୂଲ୍ୟବାନ ସୁନା ସାମଗ୍ରୀ ତଥା ବାସନକୁସନ ପାଇଛନ୍ତି।
ଏହି ସୁବର୍ଣ୍ଣ ଦ୍ୱୀପକୁ ବର୍ଷ ବର୍ଷ ଧରି ଖୋଜା ଯାଇଥିଲା। କୁହାଯାଉଛି, ବହୁ ବର୍ଷ ପୂର୍ବେ ଅଦୃଶ୍ୟ ହୋଇଥିବା ଏହି ସୁନା ଦ୍ୱୀପ ଇଣ୍ଡୋନେସିଆର ପାଲେମ୍ବାଙ୍ଗ ପ୍ରଦେଶର ମୁସି ନଦୀରେ ଦେଖିବାକୁ ମିଳିଛି। ଏହି ନଦୀର ପାଦଦେଶରୁ ସୁନା ଅଳଙ୍କାର ଏବଂ ଅନେକ ମୂଲ୍ୟବାନ ସାମଗ୍ରୀ ମିଳୁଛି। ମତ୍ସ୍ୟଜୀବୀମାନେ ମୁସି ନଦୀରେ ଧନ ଖୋଜୁଥିଲେ, କିନ୍ତୁ ବର୍ତ୍ତମାନ ନଦୀ ଗର୍ଭରୁ ମତ୍ସ୍ୟଜୀବୀମାନେ ଗୋଟିଏ ପରେ ଗୋଟିଏ ସୁନା ପରି ଅମୂଲ୍ୟ ଧନ ପାଇ ଚାଲିଛନ୍ତି।
କୁହାଯାଉଛି, ମତ୍ସ୍ୟଜୀବୀମାନେ ଏପର୍ଯ୍ୟନ୍ତ ସୁନାର ଖଣ୍ଡା, ମୁଦି, ମୟୂର ଆକୃତିର ସୁନା ବଂଶୀ ପାଇଛନ୍ତି। ଏହି ଦ୍ୱୀପ ବିଷୟରେ ଲୋକକଥା ମଧ୍ୟ ଅଛି। ଜାଣନ୍ତୁ ଏ ସମ୍ପର୍କରେ…
ଏହି ଦ୍ୱୀପକୁ ‘ସୁନା ଦ୍ୱୀପ’ କୁହାଯାଏ। ଏହି ସ୍ଥାନକୁ ଇଣ୍ଡୋନେସିଆର ପ୍ରାଚୀନ ଇତିହାସରେ ଶ୍ରୀବିଜୟ ସହର କୁହାଯାଉଥିଲା। ସେହି ସମୟରେ ଏହା ବହୁତ ଧନୀ ସହର ଥିଲା। କୁହାଯାଏ, ଏଠାରେ ରାଜାମାନଙ୍କର ଏକ ସାମ୍ରାଜ୍ୟ ଥିଲା ଯେଉଁମାନେ ମଲାକା ଉପସାଗରରେ ଶାସନ କରୁଥିଲେ। ଭାରତୀୟ ଚୋଳ ସାମ୍ରାଜ୍ୟ ସହିତ ଯୁଦ୍ଧ ପରେ ଏହି ସହର ଭାଙ୍ଗି ଯାଇଥିଲା।