ବେଜିଂ: ଦୁନିଆରେ ବହୁତ ଲୋକ ଅଛନ୍ତି, ଯେଉଁମାନେ ତାଙ୍କ ବୟସ ଅନୁସାରେ ନିଜର ଧ୍ୟାନ ରଖିପାରନ୍ତିନି। ଆଉ ଏପରି କିଛି ମଣିଷ ଅଛନ୍ତି, ଯେଉଁମାନଙ୍କୁ ଦେଖିଲେ ତାଙ୍କ ବୟସ ବାବଦରେ ଜାଣିହେବନି। ପଡ଼ୋଶୀ ଦେଶ ଚାଇନାରେ ଏପରି ଜଣେ ମହିଳା ଅଛନ୍ତି। ରିପୋର୍ଟ ମୁତାବକ, ବାଇ ଜିନକ୍ୱିନ୍ ନାମ୍ନୀ ଜଣେ ମହିଳାଙ୍କ ବୟସ ୭୮ ବର୍ଷ ହୋଇଥିବାବେଳେ ତାଙ୍କୁ ଦେଖିଲେ କେହି ଏହା କହିବେନି। ତେବେ ନିଜକୁ ଫିଟ୍ ରଖିବାକୁ କୌଣସି ବୟସ ନ ଥାଏ। ଜଣେ ବ୍ୟକ୍ତି ଚାହିଁଲେ ୬୦ ବର୍ଷ ପରେ ବି ନିଜକୁ ଫିଟ୍ ରଖିପାରିବେ, ଯାହା ଉକ୍ତ ମହିଳାଙ୍କ ଫିଟ୍ନେସ୍ କହୁଛି। ଉତ୍ତର-ପୂର୍ବ ଚାଇନାର ଟିଆନଜିନ୍ରେ ରହୁଥିବା ଏହି ମହିଳା ତାଙ୍କ ଅଞ୍ଚଳରେ ସବୁଠୁ ସୁନ୍ଦର ଯୋଗ ଜେଜେମା’ ଭାବେ ପରିଚିତ। ତାଙ୍କ ଜିମ୍ କରିବା ଭିଡିଓ ଯେ କେହି ଦେଖିଲେ ମଧ୍ୟ ଏହା କହିବ। ତାଙ୍କର ଏହି ଫିଟ୍ନେସ୍ ବହୁ ବର୍ଷର ନୁହେଁ। ସେ କେବଳ ୧୮ ବର୍ଷର ପରିଶ୍ରମରେ ହିଁ ନିଜକୁ ଫିଟ୍ ରଖିପାରିଛନ୍ତି। ତାଙ୍କୁ କେହି ବି ଦେଖିଲେ ପ୍ରେରିତ ହୋଇଯିବ। ତେବେ ମହିଳା ଜଣକ କମ୍ ବୟସରୁ ତାଙ୍କର ସବୁ ଶ୍ରମ କାମରେ ଲଗାଇଥିବାରୁ ନିଜ ସ୍ବାସ୍ଥ୍ୟର ଧ୍ୟାନ ରଖିପାରି ନ ଥିଲେ। ଫଳରେ ତାଙ୍କୁ କ୍ୟାନ୍ସର, ଡାଇବେଟିସ୍ ଭଳି ରୋଗ ଏବଂ ୩ଟି ଅପରେଶନ କରିବାକୁ ପଡ଼ିଥିଲା। ଏତେ ସବୁ ପରେ ତାଙ୍କ ଜୀବନ ବଞ୍ଚିଯିବାରୁ ସେ ୬୦ ବର୍ଷ ବୟସରେ ନିଜକୁ ଫିଟ୍ ରଖିବାକୁ ଆରମ୍ଭ କଲେ। ଏବେ ସେ ପୂରା ଫିଟ୍ ଅଛନ୍ତି।