ବେଜିଂ,୩।୧୧: ଚାଇନାର ଏକ ଏଲ୍ଏନ୍ଜି ଟର୍ମିନାଲରେ ଅଗ୍ନିକାଣ୍ଡ ଘଟି ୫ ଜଣଙ୍କ ମୃତ୍ୟୁ ଘଟିଛି। ଦକ୍ଷିଣ ଚାଇନାର ଗ୍ବାଙ୍ଗସୀ ଝୁଆଙ୍ଗ୍ସ୍ଥିତ ଏଲ୍ଏନ୍ଜି ଟର୍ମିନାଲରେ ଏଭଳି ଅଭାବନୀୟ ଘଟଣା ଘଟିଛି। ଏଥିରେ କେତେକ ଲୋକ ଆହତ ହୋଇଛନ୍ତି। ସେମାନଙ୍କୁ ଉଦ୍ଧାର କରି ଚିକିତ୍ସା ଲାଗି ହସ୍ପିଟାଲରେ ଭର୍ତ୍ତି କରାଯାଇଛି। ଅଏଲ ଆଣ୍ଡ୍ ଗ୍ୟାସ୍ ପାଇପିଙ୍ଗ୍ ନେଟଓ୍ବାର୍କ କର୍ପୋରେଶନ ଦ୍ୱାରା ପରିଚାଳିତ ହେଉଥିବା ତିୟେଶାନ ପୋର୍ଟର ତରଳ ପ୍ରାକୃତିକ ଗ୍ୟାସ୍ ଟର୍ମିନାଲ୍ରେ ଏଭଳି ଘଟିଛି। ଦମକଳ ବାହିନୀ ସହାୟତାରେ ନିଆଁକୁ କାକୁ କରାଯାଇଛି ଏବଂ ଉଦ୍ଧାର କାର୍ଯ୍ୟ ଜାରି ରହିଥିବା ସ୍ଥାନୀୟ ପ୍ରଶାସନ ପକ୍ଷରୁ କୁହାଯାଇଛି। ଜଣେ ବ୍ୟକ୍ତି ନିଖୋଜ ଥିବା କୁହାଯାଉଛି। କେଉଁ କାରଣରୁ ଅଗ୍ନିକାଣ୍ଡ ଘଟିଛି ତାହାର ତଦନ୍ତ ଜାରି ରହିଛି।