ଜୟପୁର, ୨୯।୩(ନି.ପ୍ର.)
କୋରପୁଟ ଜିଲା ଜୟପୁର ବ୍ଲକ କୁମୁଲିପୁଟ ପଞ୍ଚାୟତ ଦଣ୍ଡସେନାଗୁଡ଼ା ଗ୍ରାମ ନିକଟ କେନାଲରେ ଗାଧୋଉଥିବାବେଳେ ଜଣେ ବ୍ୟକ୍ତି ଭାସିଯାଇଛନ୍ତି। ସେ ହେଲେ ଦଣ୍ଡସେନାଗୁଡ଼ାର ସମ୍ବାରୁ ଜାନି (୫୫)। ସୂଚନା ଅନୁଯାୟୀ, ସୋମବାର ସକାଳେ ସମ୍ବାରୁ ଗାଈ ଚରାଇବାକୁ ଯାଇଥିଲେ। ସେଠାରେ ଥିବା ଏକ କେନାଲରେ ଗାଧୋଇବାବେଳେ ଭାସିଯାଇଥିଲେ। ଖବରପାଇ କୁମୁଲିପୁଟ ସରପଞ୍ଚ ଜୟପୁର ଅଗ୍ନିଶମ ବିଭାଗ ଏବଂ ତହସିଲଦାରଙ୍କୁ ଖବର ଦେଇଥିଲେ। ଦମକଳ ବାହିନୀ ରେସ୍କ୍ୟୁ ଅପରେଶନ ଆରମ୍ଭ କରିଛନ୍ତି। କେନାଲରେ ପାଣି ସ୍ରୋତ ଅଧିକ ଥିବାରୁ ଉପରମୁଣ୍ଡରୁ ଗେଟ୍ ବନ୍ଦ କରିବାକୁ କୁହାଯାଇଛି। ଦୁଇ ତିନିଘଣ୍ଟା ମଧ୍ୟରେ ପାଣି କମିବାପରେ ଓଡ୍ରାଫ୍ ଟିମ୍ ରେସ୍କ୍ୟୁ ଆରମ୍ଭ କରିବ। ସ୍ବାମୀଙ୍କୁ ଉଦ୍ଧାର କରିବାକୁ ସମ୍ବାରୁଙ୍କ ସ୍ତ୍ରୀ ରଟନି ନିବେଦନ କରିଛନ୍ତି।
