ଓ୍ବାଶିଂଟନ,୩୧ା୭: ଆମେରିକାର ଅନେକ ସ୍ଥାନରେ ପ୍ରବଳ ବନ୍ୟା ପରିସ୍ଥିତି ଦେଖାଦେଇଛି। ଆମେରିକାର କେଣ୍ଟୁକି ରାଜ୍ୟରେ ଏ ପର୍ଯ୍ୟନ୍ତ ୨୫ ଜଣଙ୍କର ମୃତ୍ୟୁ ଘଟିସାରିଲାଣି। କେଣ୍ଟୁକି ରାଜ୍ୟର ଅଧିକାଂଶ ଅଞ୍ଚଳ ଜଳମଗ୍ନ ହୋଇଛି। ଏହି ବନ୍ୟା ଯୋଗୁ ଅନେକ ଲୋକ ନିଖୋଜ ଥିବା କୁହାଯାଉଛି। ଲୋକଙ୍କୁ ବଞ୍ଚାଇବା ପାଇଁ ଯୁଦ୍ଧକାଳୀନ ଭିତ୍ତିରେ ପଦକ୍ଷେପ ଗ୍ରହଣ କରାଯାଉଛି। ଏଥି ସହିତ ଲୋକଙ୍କୁ ପ୍ରଭାବିତ ଅଞ୍ଚଳରୁ ବାହାର କରି ସୁରକ୍ଷିତ ସ୍ଥାନକୁ ନେଇଯିବା କାର୍ଯ୍ୟ ମଧ୍ୟ ଜୋର୍ସୋରରେ ଚାଲିଛି।
ସୂଚନାନୁଯାୟୀ, ଏକ ପାର୍ବତ୍ୟ ଅଞ୍ଚଳ ଥିବା ଇଷ୍ଟର୍ଣ୍ଣ କେଣ୍ଟୁକି ଲଗାତର ବର୍ଷା ପରେ ବନ୍ୟା ହେତୁ ଅସୁବିଧାର ସମ୍ମୁଖୀନ ହେଉଛି। ଏଠାରେ ବନ୍ୟା ଆମେରିକାର ଅର୍ଥନୀତି ଉପରେ ମଧ୍ୟ ପ୍ରଭାବ ପକାଇପାରେ। ଏହାର କାରଣ ଏହା ଏକ କୋଇଲା ସମୃଦ୍ଧ ଅଞ୍ଚଳ। ଏଠାରେ ଅନେକ କୋଇଲା ଖଣି ଅଛି, ଯାହା ବର୍ତ୍ତମାନ ପାଣିରେ ପରିପୂର୍ଣ୍ଣ।
