କାଠମାଣ୍ଡୁ,୧୮।୬: ନେପାଳର ପୂର୍ବ ଭାଗରେ ବନ୍ୟା ପରିସ୍ଥିତି ଭୟଙ୍କର ରୂପ ନେଇଛି। ପୂର୍ବ ନେପାଳରେ ବନ୍ୟା ଓ ଭୂସ୍ଖଳନ ଯୋଗୁଁ ଅତି କମରେ ୨୫ ନିଖୋଜ ଅଛନ୍ତି । ସୂଚନା ଅନୁଯାୟୀ, ଶନିବାର ସା ଠାରୁ ୨୪ଘଣ୍ଟା ମଧ୍ୟରେ ପୂର୍ବ ନେପାଳର ତିନୋଟି ଜିଲ୍ଲାରେ ଏହି ସବୁ ଘଟଣା ଘଟିଥଲା।
ସୂଚନାଅନୁଯାୟୀ, ସଂଖୁବାସଭା ଜିଲା ସବୁଠାରୁ ଅଧିକ ପ୍ରଭାବିତ ହୋଇଛି। ଏହି ଜିଲାରେ ୧୬ ଲୋକ ନିଖୋଜ ଥିବା ସୂଚନା ମିଳିଛି। ଜିଲା ପୋଲିସ କାର୍ଯ୍ୟାଳୟର ମୁଖ୍ୟ ବିରେନ୍ଦ୍ର ଗୋଦର କହିଛନ୍ତି କି ହେବାଖୋଲାରେ ଶନିବାର ସନ୍ଧ୍ୟାରେ ଆସିଥିବା ବନ୍ୟାରେ ସୁପର ହେବାଖୋଲା ଜଳବିଦ୍ୟୁତର ୧୬ କର୍ମଚାରୀ ନିଖୋଜ ହୋଇଯାଇଛନ୍ତି । ଏହାସହ ବନ୍ୟାରେ ୭ଟି ଘର ଭାସିଯାଇଛି।
