ଆପଣ ଉଡ଼ନ୍ତା ବାଇକ୍ ବିଷୟରେ ଅନେକ କଥା ଶୁଣିଥିବେ। ମାତ୍ର ଦୁନିଆକୁ ସତରେ ଏବେ ଉଡ଼ନ୍ତା ବାଇକ୍ ଆସିଛି। ଯଦି ଆପଣ ଟ୍ରାଫିକ୍ ଜାମ୍ ଦ୍ୱାରା ଅସୁବିଧାରେ ପଡ଼ନ୍ତି ତେବେ ଆକାଶରେ ଉଡ଼ି ଗୋଟିଏ ସହରରୁ ଅନ୍ୟ ସହରକୁ ଯାଇପାରିବେ। ଏହା ଆପଣଙ୍କ ପାଇଁ ଏକ ଭଲ ବିକଳ୍ପ ହୋଇପାରିବ।
ଜାପାନର ଏକ ଷ୍ଟାର୍ଟଅପ୍ କମ୍ପାନୀ AERWINS ଟେକ୍ନୋଲୋଜି ଏହି ବାଇକ୍ ତିଆରି କରିଛି। ସେପ୍ଟେମ୍ବର ୧୫ରେ ଡେଟ୍ରୋଏଟ୍ ଅଟୋ ଶୋ’ରେ ଏହା ଲଞ୍ଚ୍ କରାଯାଇଥିଲା। ଶୋ’ ସମୟରେ ଏହି ବାଇକ୍ ବିଶେଷଜ୍ଞଙ୍କ ଦ୍ୱାରା ଉଚ୍ଚ ପ୍ରଶଂସା କରାଯାଇଥିଲା।
ଏହି ବାଇକ୍ର ନାମ ହେଉଛି Xturismo। ଡେଟ୍ରୋଏଟ ଅଟୋ ଶୋ’ର ସହ-ଅଧ୍ୟକ୍ଷ ଥାଡ୍ ସୋଜୋଟ୍ ଏହି ବାଇକ୍କୁ ଅତି ପ୍ରଶଂସା କରିଥିଲେ। ତାଙ୍କ ଅଭିଜ୍ଞତା ବାଣ୍ଟି ସେ କହିଛନ୍ତି, ଏହା ବହୁତ ଉତ୍ସାହଜନକ ଏବଂ ଚମତ୍କାର ଅଟେ।
ଏହି ବାଇକ୍ ଲୋକଙ୍କ ସ୍ବପ୍ନକୁ ବାସ୍ତବରେ ପରିଣତ କରେ। ତେଣୁ ଏଥିପାଇଁ ଆପଣଙ୍କୁ ବିପୁଳ ପରିମାଣର ଖର୍ଚ୍ଚ କରିବାକୁ ପଡ଼ିବ। କମ୍ପାନୀ ଅନୁଯାୟୀ ଏହି ବାଇକ୍ର ମୂଲ୍ୟ ୭ ଲକ୍ଷ ୭୭ ହଜାର ଡଲାର ଅଟେ। ଅର୍ଥାତ୍ ଭାରତୀୟ ମୁଦ୍ରାରେ ୬ କୋଟି ୧୮ ଲକ୍ଷ ଟଙ୍କା।
ଏହି ବାଇକ୍ର ଓଜନ ୩୦୦ କିଲୋଗ୍ରାମ ଅର୍ଥାତ୍ ୩ କ୍ୱିଣ୍ଟାଲ। ଏହି ଉଡ଼ନ୍ତା ବାଇକ୍ ଘଣ୍ଟା ପ୍ରତି ସର୍ବାଧିକ ୧୦୦ କିଲୋମିଟର ବେଗରେ ଉଡ଼ିପାରିବ। ଏହା ଉଡ଼ିବା ପାଇଁ ବ୍ୟାଟେରୀରୁ ଶକ୍ତି ମଧ୍ୟ ପାଇଥାଏ। କମ୍ପାନୀ କହିଛି, ଛୋଟ ଇଲେକ୍ଟ୍ରି ମଡେଲର ମୂଲ୍ୟ ପ୍ରାୟ ୫୦,୦୦ରୁ ୩୯,୮୨,୫୨୫ ଟଙ୍କା ପର୍ଯ୍ୟନ୍ତ ହେବ।
ଏହା ଜାପାନରେ କଳା, ନୀଳ ଏବଂ ନାଲି ରଙ୍ଗରେ ବିକ୍ରି ପାଇଁ ଉପଲବ୍ଧ। ଏହାର ନିର୍ମାତାମାନେ ଏହାକୁ ୨୦୨୩ରେ ଆମେରିକାରେ ବିକ୍ରୟ ପାଇଁ ଯୋଜନା କରିଛନ୍ତି।
ଯଦି ଆପଣ ଏହି ବାଇକ୍ କିଣିବାକୁ ଚାହୁଁଛନ୍ତି ତେବେ ଆପଣଙ୍କୁ ଜାପାନ ଯିବାକୁ ପଡ଼ିବ।