ଲଣ୍ଡନ: ଯୁଗ ଆଧୁନିକ ହେବା ସହ ଲୋକେ ମଧ୍ୟ ଆଧୁନିକ ପ୍ରଣାଳୀକୁ ଆପଣେଇଲେଣି। ଲୋକେ ଘରେ ବସି ସମସ୍ତ ସାମଗ୍ରୀ ଅର୍ଡର କରୁଛନ୍ତି। ତେବେ ଖାଦ୍ୟ ପଦାର୍ଥ ମଧ୍ୟରେ ଲୋକେ ପିଜ୍ଜାକୁ ବେଶି ପସନ୍ଦ କରିଥାନ୍ତି। ଏବେ ଡୋମିନସ୍ ପିଜ୍ଜା ତାଙ୍କ ଗ୍ରାହକଙ୍କ ପାଇଁ କିଛି ନୂତନ ଯୋଜନା ଆଣିଛି। ଏବେ ଆଉ ଖାଦ୍ୟ ଡେଲିଭରି ବୟ କିମ୍ବା ବାଇକ୍ ମାଧ୍ୟମରେ ନୁହେଁ ଏଣିକି ଉଡ଼ି ଉଡ଼ି ଆସି ପହଞ୍ଚିବ। ଏହା ଅଜବ ଲାଗୁଥିଲେ ବି ସତ। ପ୍ରଥମ ଥର ପାଇଁ ଦେଶରେ ଡୋମିନସ୍ ଏପରି ଏକ ଅଭିନବ ଯୋଜନା ଆଣିଛି। ଏଥିରେ ଜଣେ ଡେଲିଭରି ବୟ ଜେଟ୍ପ୍ୟାକ ପିନ୍ଧିବେ ଏବଂ ପିଠିରେ ଏକ ପିଜ୍ଜା ଥିବା ବ୍ୟାଗ ନେଇ ପିଜ୍ଜା ଡେଲିଭରି କରିବେ; ଯାହା କି ତାଙ୍କର ଅନେକ ସମୟ ବଞ୍ଚାଇବ। ବ୍ରିଟେନ୍ରେ ଡୋମିନସ୍ କମ୍ପାନୀ ଏପରି ଉପାୟ ଅବଲମ୍ବନ କରିଛି। ଯାହାକୁ ରକେଟ୍ ମ୍ୟାନ ଜେଟ୍ପ୍ୟାକ୍ ଡେଲିଭରି କୁହାଯାଉଛି। ଜଣେ ଡେଲିଭରି ବୟ ଉଡ଼ି ଉଡ଼ି ଯାଇ ଚାଲିଥିବା ଏକ ସଙ୍ଗୀତ କାର୍ଯ୍ୟକ୍ରମରେ ପିଜ୍ଜା ଡେଲିଭରି କରିଛନ୍ତି। ଏହି ଜେଟ୍ ଶୁଟ୍ ଡେଲିଭରି ବୟକୁ ସୁରକ୍ଷା ଦେବା ସହ ଖାଦ୍ୟକୁ ମଧ୍ୟ ଗରମ ରଖିବ।