ଦାରିଙ୍ଗବାଡ଼ି,୧୨ା୫(ଅରୁଣ ସାହୁ): କନ୍ଧମାଳ ପ୍ରଶାସନ ନିର୍ଦ୍ଦେଶକ୍ରମେ ଦାରିଙ୍ଗବାଡ଼ି ଅଞ୍ଚଳରେ ଫ୍ଲାଇଂ ସ୍କ୍ବାଡ୍ ପକ୍ଷରୁ ଦାରିଙ୍ଗବାଡି ଏବଂ ବ୍ରାହ୍ମଣୀଗାଁ ଥାନା ଅଞ୍ଚଳରେ ନାକା ଲାଗାଇ ଗାଡିମୋଟର ଯାଞ୍ଚ କରାଯାଉଛି।
ରବିବାର ଉକ୍ତ ବ୍ଲକର ୫୯ ନଂ. ଜାତୀୟ ରାଜପଥର ବିଭିନ୍ନ ସ୍ଥାନରେ ଗାଡି ଯାଞ୍ଚ ସହ ବାଇକ୍ ଡିକି, କାର, ବସ୍ ସହ ଯାତ୍ରା କରୁଥିବା ଲୋକଙ୍କ ବ୍ୟାଗ ଆଦି ଯାଞ୍ଚ କରାଯାଇଥିବା ବେଳେ ଏଥିରୁ ଆମ୍ବୁଲାନ୍ସ ମଧ୍ୟ ବାଦ୍ ପଡ଼ିନାହିଁ। ଏକ ରୋଗୀବିହୀନ ଆମ୍ବୁଲାନ୍ସ ଦାରିଙ୍ଗବାଡ଼ିରୁ ବାଲିଗୁଡ଼ା ଅଭିମୁଖେ ଯାତ୍ରା କରୁଥିବା ବେକେ ସିମନବାଡ଼ି ନିକଟରେ ଅଟକାଇ ତାକୁ ଯାଞ୍ଚ କରିବାକୁ ଫ୍ଲାଇଂ ସ୍କ୍ବାଡ୍ର ମୁଖ୍ୟ ତଥା ଅତିରିକ୍ତ ତହସିଲଦାର କୃଷ୍ଣ ଚନ୍ଦ୍ର ନାୟକ ନିର୍ଦ୍ଦେଶ ଦେଇଥିଲେ। ଏଏସ୍ଆଇ ଶ୍ରୀନିବାସ ରାଓ ସଦଳବଳ ଉକ୍ତ ଆମ୍ବୁଲାନ୍ସକୁ ତନ୍ନ ତନ୍ନ ଯାଞ୍ଚ କରିଥିଲେ।
