ମୁମ୍ବାଇ ଇଣ୍ଡିଆନ୍ସ ଓପନର୍ ତଥା ଝାଡଖଣ୍ଡର ଅଧିନାୟକ ଇଶାନ କିଷନ ଟି -୨୦ ଡେବ୍ୟୁ ମ୍ୟାଚରେ ଜବରଦସ୍ତ ପ୍ରଦର୍ଶନ କରିଛନ୍ତି। ଇଂଲଣ୍ଡ ବିପକ୍ଷ ଦ୍ୱିତୀୟ ଟି -୨୦ ମ୍ୟାଚରେ କିଷନ ୫ ଚୌକା ଓ ୪ ଛକା ସହାୟତାରେ ୩୨ ବଲରେ ୫୬ ରନ ସଂଗ୍ରହ କରିଥିଲେ। ୨୨ ବର୍ଷୀୟ କିଷନଙ୍କୁ ଏହି ଇନିଂସ ଯୋଗୁ ମ୍ୟାନ ଅଫ ଦି ମ୍ୟାଚ ପୁରସ୍କାର ଦିଆଯାଇଥିଲା। ତାଙ୍କ ସଫଳତା ପଛରେ ପୂର୍ବତନ ଭାରତୀୟ କ୍ରିକେଟର୍ ରାହୁଲ ଦ୍ରାବିଡଙ୍କ ଭୂମିକା ରହିଛି ବୋଲି ସେ କହିଛନ୍ତି। ଇଶାନ କହିଛନ୍ତି ଯେ, ତାଙ୍କ ବ୍ୟାଟିଂ ସୁଧାରିବା ପାଇଁ ରାହୁଲ ଦ୍ରାବିଡଙ୍କ ସହ ସେ କଥା ହୋଇଥିଲେ। ସେ ପରାମର୍ଶ ଦେଇଥିଲେ ଯେ ତାଙ୍କୁ ବଡ ଇନିଂସ ଖେଳିବା ପାଇଁ ଅଫ ସାଇଡ ଖେଳରେ ଉନ୍ନତି ଆଣିବାକୁ ପଡ଼ିବ। ଇଶାନ ରାହୁଲ ଦ୍ରାବିଡଙ୍କ ପରାମର୍ଶକୁ ସମ୍ପୂର୍ଣ୍ଣ ରୂପେ କାର୍ଯ୍ୟକାରୀ କରିଥିଲେ। ଆଇପିଏଲ ୨୦୨୦ରେ ଇଶାନ କିଷନ ମୁମ୍ବାଇ ପାଇଁ ସର୍ବାଧିକ ୫୧୬ ରନ ସ୍କୋର କରିଥିଲେ।