ଫୁଟବଲ ବିଷୟରେ କୁହାଯାଏ ଯେ, ଏହି ଖେଳରେ ଅଧିନାୟକଙ୍କଠାରୁ ଅଧିକ ଟିମ୍ ମ୍ୟାନେଜରଙ୍କ ଭୂମିକା ରହିଥାଏ। କିନ୍ତୁ ନିକଟରେ ଜଣେ ଫୁଟ୍ବଲ୍ ମ୍ୟାନେଜର୍ ନିଜ ଗର୍ଲଫ୍ରେଣ୍ଡ୍ ଫ୍ରେଣ୍ଡଙ୍କୁ ପ୍ରପୋଜ କରିବା ପାଇଁ ନିଜ ଖେଳାଳିଙ୍କୁ ବ୍ୟବହାର କରିଥିବା ଜଣାପଡିଛି। ପାରାଗୁଏରେ ଏମିତି ଏକ ରୋଚକ ଘଟଣା ଜଣାପଡିଛି। ପାରାଗୁଏର ଫୁଟବଲ୍ କ୍ଲବ ଟିମ୍ ରିଭର ପ୍ଲେଟ୍ର ମ୍ୟାନେଜର୍ ସେଲସୋ ରାଫେଲ୍ ଆୟାଲା ମ୍ୟାଚ୍ ଆରମ୍ଭ ହେବା ପୂର୍ବରୁ ନିଜ ଗର୍ଲଫ୍ରେଣ୍ଡକୁ ପ୍ରପୋଜ କରିଥିଲେ। ଏଥିପାଇଁ ସେ ସମସ୍ତ ଖେଳାଳିଙ୍କୁ ଗୋଟିଏ ଗୋଟି, ପୋଷ୍ଟର ଦେଇଥିଲେ। ଯେଉଁଥିରେ ଲେଖା ଥିଲା ଲିଲି, ମୋତେ ବିବାହ କରିବ କି? ସୋସିଆଲ ମିଡିଆରେ ସେଲସୋଙ୍କ ଏହି ପ୍ରପୋଜ କରିବାର ଅନ୍ଦାଜକୁ ସମସ୍ତେ ପସନ୍ଦ କରିଥିଲେ। ଏହି ଅବସରରେ ସେଲସୋଙ୍କ ଝିଅ ମଧ୍ୟ ଉପସ୍ଥିତ ଥିଲେ। ସେଲସୋଙ୍କ ଗର୍ଲଫ୍ରେଣ୍ଡ ଲିଲି ବେନିଟେଜ୍ ଏମିତି ପ୍ରପୋଜ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ। ସେ କିଛି କହିପାରି ନ ଥିଲେ। ଏହି ସମୟରେ ସେଲସୋ ତାଙ୍କୁ ମୁଦି ପିନ୍ଧାଇ ପ୍ରପୋଜ କରିଥିଲେ। ଲିଲି ମଧ୍ୟ ତାଙ୍କ ପ୍ରପୋଜକୁ ସ୍ବୀକାର କରିଥିଲେ। ଏହାପରେ ସେଠାରେ ଉପସ୍ଥିତ ଖେଳାଳିମାନେ ମଧ୍ୟ ନିଜ ମ୍ୟାନେଜରଙ୍କୁ ଶୁଭେଚ୍ଛା ଜଣାଇଥିଲେ। ସେଲସୋଙ୍କ ସହ କିଛି ଖେଳାଳି ମଧ୍ୟ ଭାବପ୍ରବଣ ହୋଇଯାଇଥିଲେ। ଗର୍ଲଫ୍ରେଣ୍ଡଙ୍କୁ ପ୍ରପୋଜ କରିବା ପରେ ସେଲସୋ ବେଶ୍ ଖୁସି ଜଣାପଡୁଥିଲେ। କିନ୍ତୁ ସେଦିନ ତାଙ୍କ ଦଳ ପଡିଆରେ ୫-୧ରେ ହାରିଯାଇଥିଲା।
