ପ୍ରଦୂଷିତ ପରିବେଶ ଏବେ ଚିନ୍ତାର କାରଣ ସାଜିଛି। ଅନେକ କାରଣରୁ ଆମର ପରିବେଶ ସ୍ବାସ୍ଥ୍ୟୋପଯୋଗୀ ହେଉନାହିଁ। ଫଳରେ ଆମେ ବିଭିନ୍ନ ପ୍ରକାର ରୋଗର ଶିକାର ହେଉଛେ। ତେଣୁ ବର୍ତ୍ତମାନ ଆମ ପରିବେଶ କିପରି ପ୍ରଦୂଷଣମୁକ୍ତ ରହିବ, ସେ ନେଇ ଆମେ ଯତ୍ନବାନ ହେବା ନିହାତି ଆବଶ୍ୟକ। ପ୍ରଥମେ ନିଜକୁ ବୃକ୍ଷରୋପଣ କାମରେ ସାମିଲ କରାନ୍ତୁ। ଏହାଦ୍ୱାରା ପରିବେଶ ଶାନ୍ତ ରହିବ ଏବଂ ବର୍ଷା ଠିକ୍ ଭାବରେ ହେବ। ଯଦି ଘର ଚାରିପଟରେ ଗଛ ଲଗାଇଛନ୍ତି ତେବେ ତାହାର ଯତ୍ନ ନିଅନ୍ତୁ। ଘରର ବାହାର ପରିବେଶକୁ ପରିଷ୍କାର ପରିଚ୍ଛନ୍ନ ରଖନ୍ତୁ। ଯଦି ଘରେ କିଛି ଅଦରକାରୀ ସାମଗ୍ରୀ ଅଛି ତେବେ ସେଗୁଡ଼ିକୁ ବାହାରେ ନ ଫୋପାଡ଼ି ଗାତ ଖୋଳି ପୋତି ଦିଅନ୍ତୁ। ଆଜିକାଲି ଗାଡ଼ିମୋଟରରୁ ବାହାରୁଥିବା ଧୂଅଁା ପରିବେଶକୁ ପ୍ରଦୂଷିତ କରୁଛି। ତେଣୁ ସପ୍ତାହକୁ ଅନ୍ତତଃ ଥରେ ଗାଡ଼ି ନ ଚଲାଇ ସାଇକେଲ ବ୍ୟବହାର କରିପାରନ୍ତି।