ମୁମ୍ବାଇ: ପଶ୍ଚିମବଙ୍ଗର ଟିଏମ୍ସି ଏମ୍ପି ତଥା ବଙ୍ଗଳା ଅଭିନେତ୍ରୀ ନୁସ୍ରତ ଜାହାଁ କିଛି ନା କିଛି କାରଣକୁ ନେଇ ସବୁବେଳେ ଚର୍ଚ୍ଚାରେ ରହିଥାନ୍ତି। ପ୍ରଥମେ ତାଙ୍କ ବିବାହ, ପରେ ଛାଡ଼ପତ୍ର ଏବଂ ଏହା ପରେ ତାଙ୍କ ମା’ ହେବା ଖବର ଚର୍ଚ୍ଚାକୁ ଆସିଥିଲା। ଏଥିସହ ଅଭିନେତ୍ରୀଙ୍କର ୟଶ ଦାସଗୁପ୍ତାଙ୍କ ସହ ଥିବା ପ୍ରେମ ସମ୍ପର୍କ ଓ ବିବାହ ଖବରକୁ ନେଇ ଖୁବ୍ ଚର୍ଚ୍ଚା ହୋଇଥିଲା। ଏହି ଚର୍ଚ୍ଚାରେ ନିଜେ ଅଭିନେତ୍ରୀ ପୂର୍ଣ୍ଣଚ୍ଛେଦ ପକାଇଥିଲେ। ତାଙ୍କ ପୁଅର ପିତା ୟଶ ବୋଲି ସେ ସୋସିଆଲ ମିଡିଆରେ ପ୍ରଶଂସକମାନଙ୍କୁ ଜଣାଇଥିଲେ। ଏହା ପରଠାରୁ ନୁସ୍ରତ ଗୋଟିଏ ପରେ ଗୋଟିଏ ଫଟୋ ସୋସିଆଲ ମିଡିଆରେ ଶେୟାର କରି ଚାଲିଛନ୍ତି।
ଦୀପାବଳି ଅବସରରେ ନୁସ୍ରତ ତାଙ୍କ ପୁଅ ଓ ଦ୍ୱିତୀୟ ସ୍ବାମୀ ୟଶ ଦାସଗୁପ୍ତାଙ୍କ ସହ ଦୀପାବଳି ପାଳନ କରୁଥିବା ଦେଖିବାକୁ ମିଳିଥିଲା। ଏହି ବିଶେଷ ଉତ୍ସବରେ ପ୍ରଥମ ଥର ପାଇଁ ଅଭିନେତ୍ରୀ ପୁଅ ଇଶାନଙ୍କ ଫଟୋ ଶେୟାର କରିଛନ୍ତି। ଫଟୋରେ ନୁସରତ ଏବଂ ୟଶ ବାଇଗଣୀ ରଙ୍ଗର ଏକା ଡ୍ରେସ୍ରେ ନଜର ଆସିଛନ୍ତି। ଫଟୋରେ ଦୁହେଁ ଖୁବ୍ ସୁନ୍ଦର ଦେଖାଯାଉଛନ୍ତି।
