ଓ୍ବାଶିଂଟନ, ୧୨।୭: ଆମେରିକାରେ କରୋନା ମହାମାରୀ ସଂକ୍ରମଣ ନେଇ ଆତଙ୍କ ଜାରି ରହିଛି। ଆମେରିକାରେ କରୋନା ସଂକ୍ରମଣ ଖବର ଅପେକ୍ଷା ଏବେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ଙ୍କ ଏକ ଫଟୋ ଏବେ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି। ଫଟୋରେ ଟ୍ରମ୍ପ୍ ମାସ୍କ୍ ପିନ୍ଧିଥିବା ଦେଖିବାକୁ ମିଳୁଛି। କରୋନା ସଂକ୍ରମଣ ଆରମ୍ଭ ସମୟରେ ମାସ୍କ୍ ପିନ୍ଧିବାକୁ ନାପସନ୍ଦ କରିଥିବା ଟ୍ରମ୍ପ୍ ଏବେ ମାସ୍କ୍ ପିନ୍ଧି କହିଛନ୍ତି ଯେ, ଏହାକୁ ପିନ୍ଧିବା ଭଲ। ଶନିବାର ଏଠାରେ ଗୋଟିଏ ଦିନରେ ନୂଆ କରୋନା ଆକ୍ରାନ୍ତଙ୍କ ସଂଖ୍ୟା ୭୦ ହଜାର ଟପିଛି। ଦେଶରେ କରୋନା ସଂକ୍ରମଣ ଯୋଗୁ ଲକ୍ଷେ ୩୬ ହଜାରରୁ ଅଧିକ ଳୋକଙ୍କ ଜୀବନ ଯାଇଛି। ତେବେ ମାସ୍କ୍ ପିନ୍ଧି ଦେଶବାସୀଙ୍କ ଉଦ୍ଦେଶ୍ୟରେ ଟ୍ରମ୍ପ୍ ଗୁରୁତ୍ୱପୂର୍ଣ୍ଣ ସଚେତନତା ସଙ୍କେତ ଦେଇଥିବା କୁହାଯାଉଛି।
