ପ୍ରତ୍ୟେକ ବ୍ୟକ୍ତି ଜୀବନ ଜିଇଁବା ପାଇଁ ଭିନ୍ନ ଭିନ୍ନ ତରିକା ଆପଣାଇଥାନ୍ତି। କିଛି ଲୋକ ନିଜ ଜୀବନକୁ ଅତି ସୀମିତରେ ବିତାଇଥାନ୍ତି। ସରଳ ଭାବରେ କହିବାକୁ ଗଲେ ଜଣେ ବ୍ୟକ୍ତି ନିଜ ଜୀବନ ବଞ୍ଚାଇବାକୁ ଏକ ମାପକାଠି ସ୍ଥିର କରିଥାନ୍ତି। ଏବେ ଧାଁଧପଡ଼ ଜୀବନ ମଧ୍ୟରେ ଲୋକେ ଶାନ୍ତିରେ ରହିବାକୁ ଚାହୁଁଛନ୍ତି। ସେହିଭଳି ଆମେରିକାରେ ରହୁଥିବା ଟିମ୍ ଭେଡିଡସନ ନାମକ ଜଣେ ବ୍ୟକ୍ତି ଶାନ୍ତିରେ ରହିବା ପାଇଁ କୋଟି କୋଟି ଟଙ୍କା ଖର୍ଚ୍ଚ କରିଛନ୍ତି।
ଟିମ୍ ଡେଭିଡସନ ପୂର୍ବରୁ ଏକ ଭ୍ୟାନ୍ କିଣି ଏହାକୁ ନିଜର ଘର ଭାବେ ବ୍ୟବହାର କରୁଥିଲେ। ଏଥିରେ କିଚେନ୍, ବାଥ୍ରୁମ୍, ବେଡରୁମ୍ ଆଦି କରିଛନ୍ତି। ଏବେ ଏହି ଭ୍ୟାନ୍କୁ ପାର୍କିଂ କରିବା ପାଇଁ ସେ ଫ୍ଲୋରିଡାରେ ୧.୫ କୋଟି ଅର୍ଥାତ୍ ୬୫ ହଜାର ୩୪୦ ବର୍ଗଫୁଟରେ ଏକ ଆଇଲ୍ୟାଣ୍ଡ କିଣିଛନ୍ତି। ଏଥିରେ ଡେଭିଡସନ ୨ ଲକ୍ଷ ଡଲାର ଅର୍ଥାତ ଭାରତୀୟ ମୁଦ୍ରାରେ ୧ କୋଟି ୪୬ ଲକ୍ଷ ଟଙ୍କା ଖର୍ଚ୍ଚ କରିଛନ୍ତି। ଏହା କେବଳ ସେ ସୁଖ ଏବଂ ଶାନ୍ତିରେ ରହିବାକୁ ଖର୍ଚ୍ଚ କରିଥିବା କହିଛନ୍ତି। ସେ କୁହନ୍ତି, ଭ୍ୟାନ୍କୁ ଘର କରିବା ଦ୍ୱାରା ଇଚ୍ଛା ଜୁଆଡ଼େ ହେଉଛି ସେ ଏହି ଗାଡ଼ି ନେଇ ଯାଉଛନ୍ତି। ଯେଉଁଠି ଇଚ୍ଛା ହେଉଛି ସେଠି ରଖି ରାତ୍ରିଯାପନ କରୁଛନ୍ତି। ଏହାଦ୍ୱାରା ତାଙ୍କୁ ବହୁ ସୁବିଧା ହେବା ସହ ମାନସିକ ଶାନ୍ତି ବି ମିଳିପାରୁଛି।
