ବାଲିଗୁଡ଼ା,୧୧ା୧୦(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲା ବାଲିଗୁଡ଼ା ଉପଖଣ୍ଡ ଅନ୍ତର୍ଗତ କ.ନୂଆଗାଁ ବ୍ଲକ ସାରଙ୍ଗଗଡ଼ ଥାନା ପକ୍ଷରୁ ଯାନବାହନ ଯାଞ୍ଚ ବେଳେ ଏକ ଗାଡ଼ିରୁ ପାଖାପାଖି ୨୨ ଲିଟର ବିଦେଶୀ ମଦ ପୋଲିସ ଜବତ କରି ତିନି ଜଣଙ୍କୁ ଗିରଫ କରାଯାଇଛି।
ପ୍ରକାଶ ଯେ, ଏହି ମାମଲାରେ ସାରଙ୍ଗଗଡ଼ର ଚାଲାଣକାରୀ ସନ୍ତୋଷ ପାଣିଗ୍ରାହୀ, ଅଶ୍ୱିନୀ କୁମାର ପାତ୍ର ଓ ଡ୍ରାଇଭର ଭୀମରାଜ ପ୍ରଧାନ ଗାଡ଼ି ନଂ ଓଡି-୦୨-ଏଜି- ୨୫୫୨ ରେ କେଲାପଡା ବୁରୁଙ୍ଗିଯୋଡ଼ିଠାରୁ ବିଦେଶୀ ମଦ ଧରି ସାରଙ୍ଗଗଡ ଆସୁଥିବା ବେଳେ ଥାନା ଏଏସ୍ଆଇ ଦେବାଶିଷ ମହାପାତ୍ରଙ୍କ ଯାଞ୍ଚରେ ଧରାପଡ଼ିଥିଲେ। କେସ୍ ନଂ ୧୨୨/୨୩ ରେ ଏକ ମାମଲା ରୁଜୁ କରି ମଦ ଓ ଗାଡ଼ି ଜବତ କରିବା ସହିତ ୩ ଜଣଙ୍କୁ କୋର୍ଟ ଚାଲାଣ କରାଯାଇଥିବା ଥାନାଧିକାରୀ ପ୍ରକାଶ କରିଛନ୍ତି।