ଢେଙ୍କାନାଳ ଅଫିସ, ୧୩।୩: ଏକ କଣ୍ଟେନରରେ ଆସାମରୁ ଅନୁଗୋଳକୁ ୭୫ ଲକ୍ଷ ଟଙ୍କାର ମଦ ଚୋରା ଚାଲାଣ ବେଳେ ଢେଙ୍କାନାଳ ଅବକାରୀ ବିଭାଗ ହାତରେ ଧରାପଡ଼ିଥିଲା। ଗତ ୧ ତାରିଖରେ ଘଟିଥିବା ଏହି ଘଟଣା ସାରା ରାଜ୍ୟରେ ଚାଞ୍ଚଲ୍ୟ ଖେଳାଇ ଦେଇଥିଲା। ଏହି ଘଟଣାରେ ଢେଙ୍କାନାଳ ଜିଲା ଅବକାରୀ ବିଭାଗର ଫ୍ଲାଇଂ ସ୍କ୍ବାଡ୍ ଶନିବାର ୨ଜଣଙ୍କୁ ଗିରଫ କରିଛି। ସେମାନେ ହେଲେ ଜଗମୋହନ ସାହୁ ଏବଂ ତାଙ୍କ ବଡ଼ଭାଇ ବୀରେନ୍ ସାହୁ। ଏହି ଘଟଣାରେ ପୂର୍ବରୁ ୩ଜଣ ଧରାପଡ଼ିଥିବାବେଳେ ମୋଟ୍ ଗିରଫ ଅଭିଯୁକ୍ତଙ୍କ ସଂଖ୍ୟା ୫ରେ ପହଞ୍ଚତ୍ଛି।
ଢେଙ୍କାନାଳ ଜିଲା ଅବକାରୀ ବିଭାଗ ଅଧୀକ୍ଷକ ପ୍ରଦୀପ କୁମାର ପାଣିଗ୍ରାହୀଙ୍କ ସୂଚନା ଅନୁଯାୟୀ, ଅବକାରୀ ବିଭାଗ ଫ୍ଲାଇଂ ସ୍କ୍ବାଡ୍ ଜଗମୋହନଙ୍କୁ ଭୁବନେଶ୍ୱରରୁ ଗିରଫ କରିଛି। ତାଙ୍କ ନିକଟରୁ ଗଞ୍ଜେଇ ଏବଂ ଟଙ୍କା ଜବତ କରାଯାଇଛି। ଫ୍ଲାଇଂ ସ୍କ୍ବାଡ୍ ସୂଚନା ଆଧାରରେ ହିନ୍ଦୋଳରୁ ବୀରେନ୍ଙ୍କୁ ଗିରଫ କରାଯାଇଛି। ତେବେ ଏଭଳି ର଼୍ୟାକେଟ୍ ପଛରେ ଥିବା କିଙ୍ଗ୍ପିନ୍ଙ୍କ ପାଖରେ ଏଯାଏ ଅବକାରୀ ବିଭାଗ ପହଞ୍ଚତ୍ ପାରି ନ ଥିବା ଜଣାପଡ଼ିଛି।