ନୂଆଦିଲ୍ଲୀ,୩୦।୭ : ମନ୍ କି ବାତ କାର୍ଯ୍ୟକ୍ରମର ୧୦୩ ତମ ସଂସ୍କରଣରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅମରନାଥ ଯାତ୍ରା ସମ୍ପର୍କରେ ମନ୍ତବ୍ୟ ପ୍ରଦାନ କରିଛନ୍ତି। ସେ କହିଛନ୍ତି ଅମରନାଥ ଯାତ୍ରାରେ ଆମେରିକାର ବିଦେଶୀମାନେ ମଧ୍ୟ ଯୋଗ ଦେଇଛନ୍ତି।
ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦି କହିଛନ୍ତି ଗତ କିଛି ଦିନ ହେଲା ପ୍ରାକୃତିକ ବିପର୍ଯ୍ୟୟ କାରଣରୁ ଚିନ୍ତା ବଢ଼ିବାରେ ଲାଗିଛି। ଯମୁନା ପରି ଅନେକ ନଦୀରେ ବନ୍ୟା ଯୋଗୁ ଲୋକଙ୍କୁ ଅନେକ ସ୍ଥାନରେ ଅସୁବିଧାର ସମ୍ମୁଖୀନ ହେବାକୁ ପଡିଛି। ପାହାଡ଼ିଆ ଅଞ୍ଚଳରେ ଭୂସ୍ଖଳନ ଘଟଣା ମଧ୍ୟ ଘଟିଛି। ଆମେ ଏସବୁ ସମସ୍ୟା ସହିତ ମୁକାବିଲା କରୁଛୁ। ସମସ୍ତଙ୍କ କଲ୍ୟାଣ ହେଉଛି ଭାରତର ଭାବନା ଏବଂ ଶକ୍ତି।
ଭାରତର ତୀର୍ଥଯାତ୍ରାର ଗୁରୁତ୍ୱ ବଢ଼ିଛି। ଏଥିରେ ସାମିଲ ହେବା ପାଇଁ ସାରା ବିଶ୍ୱରୁ ଲୋକମାନେ ଆସୁଛନ୍ତି। ଆମର ପର୍ବ, ଆମର ପରମ୍ପରା ଆମକୁ ଗତିଶୀଳ କରିଥାଏ।
ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ଉତ୍ତରପ୍ରଦେଶରେ ବୃକ୍ଷରୋପଣର ରେକର୍ଡ ଉପରେ ଆଲୋକପାତ କରିଥିଲେ। ସେ କହିଥିଲେ ଉତ୍ତରପ୍ରଦେଶ ସରକାରଙ୍କ ଅଭିଯାନରେ ଦିନକୁ ୩୦ କୋଟି ଚାରା ରୋପଣ କରି ଏକ ରେକର୍ଡ ସୃଷ୍ଟି କରାଯାଇଛି। ଜନସାଧାରଣଙ୍କ ଅଂଶଗ୍ରହଣ ବିନା ଏଭଳି କାର୍ଯ୍ୟକ୍ରମ ସଫଳ ହୋଇପାରିବ ନାହିଁ।
ମଣିପୁରରେ ଜାତିଆଣ ହିଂସା ନେଇ ଦେଶର ଚିନ୍ତା ବଢ଼ିଛି। ସରକାର ଏନେଇ ପଦକ୍ଷେପ ଗ୍ରହଣ କରିଛନ୍ତି। ଚଳିତ ବର୍ଷ ୪ ହଜାର ମହିଳା ବିନା ପୁରୁଷ ସହଯୋଗୀଙ୍କ ସହାୟତାରେ ହଜ୍ ଯାତ୍ରା କରିବାକୁ ଯାଇଛନ୍ତି। ଦେଶରେ ଜଳର ଅଭାବ ନେଇ ପ୍ରଧାନମନ୍ତ୍ରୀ ଜର ସଂରକ୍ଷଣ ଉପରେ ଗୁରୁତ୍ୱାରୋପ କରିଛନ୍ତି। ଏନେଇ ସରକାର ୫୦ ହଜାର ଅମୃତ ସରୋବର ଯୋଜନା ଆରମ୍ଭ କରିଛନ୍ତି।
