ଚିତ୍ରକୋଣ୍ଡା,୮।୪: ମାଲକାନଗିରି ଜିଲା ବନଖଣ୍ଡ ଅଧୀନ ଚିତ୍ରକୋଣ୍ଡା ବନାଞ୍ଚଳ ଅଧୀନ ପୂଜାରୀଗୁଡ଼ା ଗ୍ରାମ ନିକଟରେ କେତେକ ବ୍ୟକ୍ତି ଏକ ବିରଳ ପକ୍ଷୀ ଧରିଥିବା ବନ ବିଭାଗକୁ ଖବର ମିଳିଥିଲା। ଏନେଇ ଚିତ୍ରକୋଣ୍ଡା ବନାଞ୍ଚଳ ଅଧିକାରୀ ବଳରାମ ନାୟକ, ଚିତ୍ରକୋଣ୍ଡା ବନପାଳ ମୃତ୍ୟୁଞ୍ଜୟ ସେଠୀ ପହଞ୍ଚି ପକ୍ଷୀକୁ ଉଦ୍ଧାର କରିଥିଲେ। ଅନ୍ୟପକ୍ଷେ ପକ୍ଷୀଟି ବିରଳ ନୁହେଁ ଏହା ଏକ ଛୋଟ ହାଡ଼ଗିଳା ପକ୍ଷୀ ବୋଲି ବନ ବିଭାଗ ପକ୍ଷରୁ କୁହାଯାଇଛି। ପକ୍ଷୀ ସାମାନ୍ୟ ଅଜୀର୍ଣ୍ଣ ଓ ଆଘାତ ପାଇଥିବାରୁ ବନ ବିଭାଗ ଚିକିତ୍ସା କରାଇ ଡ୍ୟାମ୍ ପାର୍ଶ୍ୱରେ ଛାଡ଼ି ଦେଇଥିବା ସୂଚନା ମିଳିଛି।