ବ୍ରାଜିଲ,୧୨।୩: ଆମାଜନ ଜଙ୍ଗଲରେ ଫସିଥିବା ୩୬ ବର୍ଷୀୟ ଜଣେ ପାଇଲଟ ଶେଷରେ ତାଙ୍କ ଘରେ ପହଞ୍ଚଛନ୍ତି। ଆଣ୍ଟୋନିଆ ସେନା ନାମକ ଏହି ଯୁବ ପାଇଲଟ ୫ ସପ୍ତାହ ଧରି ବିଶ୍ୱର ସବୁଠୁ ବଡ଼ ଜଙ୍ଗଲ ଆମାଜନରେ ବିତାଇଥିଲେ। ଏହି ସମୟ ମଧ୍ୟରେ ସେ ପକ୍ଷୀଙ୍କ ଅଣ୍ଡା ଏବଂ ଜଙ୍ଗଲର ଫଳ ଖାଇ ଜୀବନ ବଞ୍ଚାଇଥିଲେ।
ଆଣ୍ଟୋନିଆ ସେନା ୨୮ ଜାନୁୟାରୀରୁ ନିଖୋଜ ଥିଲେ। ପେସାରେ ପାଇଲଟ ଥିବା ଆଣ୍ଟୋନିଆ ପର୍ତ୍ତୁଗାଲର ଆଲେଙ୍କର ସହରରୁ ଆଲେମେରିୟମ ସହରକୁ ବିମାନ ଉଡ଼ାଣ କରିଥିଲେ। ଉଡ଼ାଣ ମଧ୍ୟରେ ବିମାନର ଯାନ୍ତ୍ରିକ ତ୍ରୁଟି ଦେଖାଯାଇଥିଲା। ତେଣୁ ଆଣ୍ଟୋନିଆଙ୍କୁ ଆମାଜନ ଜଙ୍ଗଲରେ ବିମାନ ଅବତରଣ କରିବା ସମୟରେ ନିଆଁ ଲାଗି ଯାଇଥିଲା। ସୌଭାଗ୍ୟ ବଶତଃ ଆଣ୍ଟୋନିଆ ବର୍ତ୍ତି ଯାଇଥିଲେ। ଏହାର ଗୋଟିଏ ସପ୍ତାହ ପରେ ଉଦ୍ଧାରକାରୀ ଦଳ ବିମାନ ଖୋଜିବାରେ ଲାଗିପଡ଼ିଲେ। ଆମାଜନ ଜଙ୍ଗଲ ଆଖପାଖରେ ଉଦ୍ଧାରକାରୀଦଳ ଆଣ୍ଟୋନିଆଙ୍କୁ ଖୋଜିଲେ। ବହୁତ ଖୋଜିବା ପରେ ଆଣ୍ଟୋନିଆଙ୍କ ନିକଟରେ ପହଞ୍ଚିଥିଲା ଉଦ୍ଧାରକାରୀ ଦଳ। ଏହି ଉଦ୍ଧାରକାରୀ ଦଳଙ୍କୁ ଦେଖି ଆଣ୍ଟୋନିଆ ଭାବପ୍ରବଣ ହୋଇଯାଇଥିଲେ। ସେ କେମିତି ଏତେଦିନ ଜଙ୍ଗଲରେ ଫଳମୂଳ ଆଉ ପକ୍ଷୀଙ୍କ ଅଣ୍ଡା ଖାଇ ବିତାଇଥିଲେ ତାହା କହିଥିଲେ।
