ଢାକା,୧୦।୮: ପୂର୍ବତନ ବାମହାତୀ ବାଂଲାଦେଶୀ ସ୍ପିନର ମୁଶରଫ ହୁସେନ କରୋନା ସଂକ୍ରମିତ ହୋଇଛନ୍ତି। ମୁଶରଫଙ୍କ ପିତା କରୋନା ଆକ୍ରାନ୍ତ ହୋଇଥିବାରୁ ସଂସ୍ପର୍ଶରେ ଆସି ତାଙ୍କୁ କରୋନା ହୋଇଥିବା ଜଣାପଡିଛି। ଏବେ ତାଙ୍କ ମେଡିକାଲରେ ଭର୍ତ୍ତି କରାଯାଇଛି। କରୋନାରୁ ମୁକ୍ତି ପାଇବା ପରେ ସେ ଚଳିତ ବର୍ଷ ଘରୋଇ ସର୍କିଟକୁ ଫେରିବେ ବୋଲି ହୁସେନ ଆଶା କରିଛନ୍ତି। ବାଂଲାଦେଶର ପୂର୍ବତନ ଅଧିନାୟକ ମୁଶରଫି ମୋର୍ତେଜା ଏବଂ ଅନ୍ୟ ଦୁଇ ବାଂଲାଦେଶୀ କ୍ରିକେଟର ନଜମୁଲ ଇସଲାମ ଏବଂ ନାଫି ଇକବାଲଙ୍କୁ ଜୁନ ମାସରେ କରୋନା ଭାଇରସ ପଜିଟିଭ ଥିବା ଜଣାପଡିଥିଲା। ଗତ ବର୍ଷ ହୁସେନଙ୍କୁ ବ୍ରେନ୍ ଟ୍ୟୁମର ହୋଇଥିବା ଜଣାପଡିଥିଲା। ପରେ ତାଙ୍କର ସର୍ଜରୀ ମଧ୍ୟ କରାଯାଇଥିଲା।
୩୮ ବର୍ଷୀୟ ମୁଶରଫ ୨୦୦୮ ରୁ ୨୦୧୬ ପର୍ଯ୍ୟନ୍ତ ବାଂଲାଦେଶ ପାଇଁ ଖେଳାଯାଇଥିବା ୫ଟି ଏକଦିବସୀୟ ମ୍ୟାଚ୍ ଖେଲି ୪ଟି ଉଇକେଟ ନେଇଥିଲେ। ଏଥି ସହିତ ସେ ୧୧୨ ପ୍ରଥମ ଶ୍ରେଣୀ ମ୍ୟାଚରେ ୩ ହଜାର ୩୦୫ ରନ ସଂଗ୍ରହ କରିଥିବାବେଳେ ୩୯୨ ଉଇକେଟ ନେଇଥିଲେ। ମୁଶରଫ ୧୦୪ ତାଲିକା ଏ ମ୍ୟାଚ ଖେଳି ୧୭୯୨ ରନ ସ୍କୋର କରି ୧୨୦ଟି ଉଇକେଟ ନେଇଛନ୍ତି। ୫୬ଟି ଟି -୨୦ ମ୍ୟାଚରେ ସେ ୬୨ ରନ ସଂଗ୍ରହ କରି ୬୦ ଉଇକେଟ ନେଇଥିଲେ।
