ଢାକା, ୧୧ା୮ (ପି.ଟି.)-ବାଂଲାଦେଶର ପୂର୍ବତନ ବାମହାତୀ ସ୍ପିନର ମୋଶାରାଫ୍ ହୋସେନ୍ଙ୍କ କୋଭିଡ୍-୧୯ ଟେଷ୍ଟରେ ପଜିଟିଭ ଆସିଛି। ଜାତୀୟ ଦଳ ତରଫରୁ ଏହି ଖେଳାଳି ୫ ଅନ୍ତର୍ଜାତୀୟ ଦିନିକିଆ ଖେଳିଛନ୍ତି। ବ୍ରେନ୍ ଟ୍ୟୁମର ଯୋଗୁ ସେ ୪ ମାସ ହେଲା ଚିକିତ୍ସାଧୀନ ଥିଲେ। ରବିବାର କୋଭିଡ୍ ଟେଷ୍ଟ ଫଳାଫଳ ବାହାରିବାପରଠାରୁ ମୋଶାରାଫ୍ ହୋମ୍ ଆଇସୋଲେଶନରେ ରହିଛନ୍ତି। ସେ କହିଛନ୍ତି ତାଙ୍କ ବାପାଙ୍କର ପୂର୍ବରୁ କୋଭିଡ୍-୧୯ ଟେଷ୍ଟରେ ପଜିଟିଭ ଆସିଥିଲା। ସେ ସିଏମ୍ଏଚ୍ ହସ୍ପିଟାଲର ଆଇସିୟୁରେ ଭର୍ତ୍ତି ହୋଇଛନ୍ତି। ପରେ ତାଙ୍କ ନିକଟରେ ସାମାନ୍ୟ ଲକ୍ଷଣ ପ୍ରକାଶ ପାଇଥିଲା। କରୋନା ଭାଇରସ ଟେଷ୍ଟ କରାଯିବାରେ ତାଙ୍କର ପଜିଟିଭ ଆସିଥିଲା। ତାଙ୍କ ସ୍ବାସ୍ଥ୍ୟାବସ୍ଥା ଭଲ ରହିଛି। ସେ ଘରେ ଆଇସୋେଲେଶନରେ ରହଛନ୍ତି। ତାଙ୍କ ସ୍ତ୍ରୀ ଓ ପିଲାମାନଙ୍କ ଫଳାଫଳ ନେଗେଟିଭ ଆସିଛି। ସେମାନେ ବର୍ତ୍ତମାନ ଶ୍ୱଶୁର ଘରେ ଅଛନ୍ତି। ସୁସ୍ଥ ହେବା ପରେ ସେ ଚଳିତ ବର୍ଷ ଘରୋଇ କ୍ରିକେଟକୁ ପ୍ରତ୍ୟାବର୍ତ୍ତନ କରିବେ ବୋଲି କହିଛନ୍ତି। ଗତ ଜୁନ୍ରେ ପୂର୍ବତନ ଅଧିନାୟକ ମାଶ୍ରାଫି ମୋର୍ତାଜା ଓ ଅନ୍ୟ ଦୁଇ ବାଂଲାଦେଶ କ୍ରିକେଟର ନାଜମୁଲ୍ ଇସ୍ଲାମ୍ ଓ ନାଫିସ୍ ଇକ୍ବାଲଙ୍କର ଟେଷ୍ଟରେ ପଜିଟିଭ ଆସିଥିଲା। ଗତ ସପ୍ତାହରେ ବାଂଲାଦେଶ ଫୁଟ୍ବଲ ଦଳର ୧୮ ଖେଳାଳି କରୋନା ପଜିଟିଭ ଥିବା ଜଣାପଡିଥିଲା।