ଭବାନୀପାଟଣା,୨୫।୨(ସ୍ବ.ପ୍ର.): କଳାହାଣ୍ଡି ଜିଲା ପ୍ରାଣି ଚିକିତ୍ସା ବିଭାଗର ପୁର୍ବତନ ସିଡିଭିଓ (ଜିଲା ମୁଖ୍ୟ ପ୍ରାଣି ଚିକିତ୍ସାଧିକାରୀ) ଚୈତନ୍ୟ ଚରଣ ସେଠୀଙ୍କୁ ରାଜ୍ୟ ସରକାର ନିଲମ୍ବନ କରିଛନ୍ତି।
ପ୍ରକାଶ ଯେ, କଳାହାଣ୍ଡି ସିଡିଭିଓ ଭାବରେ ଚୈତନ୍ୟ କାର୍ଯ୍ୟରତ ଥିଲେ। ତାଙ୍କୁ ଓଡ଼ିଶା ବାୟୋଲୋଜିକାଲ ପ୍ରଡକ୍ଟ ଇନ୍ଷ୍ଟିଚ୍ୟୁଟକୁ ଯୁଗ୍ମ ନିର୍ଦ୍ଦେଶକ ଭାବରେ ବଦଳି କରାଯାଇଥିଲା । ତାଙ୍କ ସ୍ଥାନରେ କଳାହାଣ୍ଡି ସିଡିଭିଓ ଭାବରେ ହେମନ୍ତ ପ୍ରଧାନଙ୍କୁ ଅବସ୍ଥାପିତ କରାଯାଇଥିଲା। ଗତ ଜାନୁୟାରୀ ୨୫ ତାରିଖରେ ହେମନ୍ତ ପ୍ରଧାନ କଳାହାଣ୍ଡି ସିଡିଭିଓ ଭାବରେ ଯୋଗଦାନ କରିଥିଲେ ମାତ୍ର ଆଜି ପର୍ଯ୍ୟନ୍ତ ହେମନ୍ତ ପ୍ରଧାନଙ୍କୁ ଚୈତନ୍ୟ ଦାୟୀତ୍ୱ ପ୍ରଦାନ କରି ନ ଥିଲେ । ଏ ନେଇ ବିଭାଗୀୟ ଅଧିକାରୀଙ୍କୁ ଅବଗତ କରାଇବା ପରେ ପ୍ରାଣି ଚିକିତ୍ସା ବିଭାଗର ସ୍ବତନ୍ତ୍ର ସଚିବ ତାଙ୍କୁ ନିଲମ୍ବନ କରିଛନ୍ତି ।
