ବେଙ୍ଗାଲୁରୁ,୧୧।୯: ଭାରତୀୟ ଜନତା ପାର୍ଟିର ବରିଷ୍ଠ ନେତା ତଥା କର୍ନାଟକର ପୂର୍ବତନ ମୁଖ୍ୟମନ୍ତ୍ରୀ ଡି.ଭି ସଦାନନ୍ଦ ଗୌଡା ନିର୍ବାଚନ ରାଜନୀତିରୁ ଅବସର ନେବାକୁ ନିଷ୍ପତ୍ତି ନେଇଛନ୍ତି। ବେଙ୍ଗାଲୁରୁର ଲୋକ ସଭା ସଦସ୍ୟ ତଥା ପୂର୍ବତନ କେନ୍ଦ୍ର ମନ୍ତ୍ରୀ ଗୌଡାଙ୍କ ଏହି ଆଗାମୀ ଲୋକ ସଭା ନିର୍ବାଚନ ପୂର୍ବରୁ ଗୁରୁତ୍ୱପୂର୍ଣ୍ଣ।
ପୁଣି ଥରେ ରାଜ୍ୟ ଭାଜପା ସଭାପତି ହେବ କି ବୋଲି ତାଙ୍କୁ ପଚରାଯିବାରୁ ଗୌଡା କହିଛନ୍ତି, ମୁଁ ନିର୍ବାଚନ ରାଜନୀତିରୁ ଅବସର ନେବାକୁ ନିଷ୍ପତ୍ତି ନେଇଛି। ୩୦ ବର୍ଷ ଧରି ମୋ ପାର୍ଟି ମୋତେ ସବୁକିଛି ଦେଇଛ। ବିଏସ ୟେଦ୍ୟୁରପ୍ପା (ଭେଟେରାନ ଭାଜପା ନେତା ତଥା ପୂର୍ବତନ ମୁଖ୍ୟମନ୍ତ୍ରୀ)ଙ୍କ ପରେ ମୁଁ ଦଳର ସବୁଠାରୁ ବଡ ନେତା ହୋଇପାରିଛି।
ଜୁଲାଇ ୨୦୨୧ରେ ଗୌଡା କେନ୍ଦ୍ର ମନ୍ତ୍ରୀ ପରିଷଦରୁ ଇସ୍ତଫା ଦେଇଥିଲେ। ନରେନ୍ଦ୍ର ମୋଦି ସରକାରରେ ରାସାୟନିକ ପଦାର୍ଥ ଏବଂ ସାର ମନ୍ତ୍ରୀ ହେବା ବ୍ୟତୀତ ଗୌଡା ରେଳବାଇ, ଆଇନ ଏବଂ ପରିସଂଖ୍ୟାନ ପରି ବିଭାଗ ମଧ୍ୟ ସମ୍ଭାଳିଥିଲେ।