ବେଙ୍ଗାଲୁରୁ,୨୧।୩: ୨୦୨୪ ଲୋକ ସଭା ନିର୍ବାଚନ ପୂର୍ବରୁ ଭାରତୀୟ ଜନତା ପାର୍ଟିର ବରିଷ୍ଠ ନେତା ତଥା କର୍ନାଟକର ପୂର୍ବତନ ମୁଖ୍ୟମନ୍ତ୍ରୀ ସଦାନନ୍ଦ ଗୌଡା ରାଜନୀତିରୁ ଅବସର ଘୋଷଣା କରିଛନ୍ତି। ନିର୍ଦ୍ଦଳୀୟ ନିର୍ବାଚନ ଲଢିବା ଏବଂ କଂଗ୍ରେସରେ ସାମିଲ ହେବା ଭଳି କଳ୍ପନାଜଳ୍ପନା ମଧ୍ୟରେ ପୂର୍ବତନ ମୁଖ୍ୟମନ୍ତ୍ରୀ ଏକ ଖବରଦାତା ସମ୍ମିଳନୀରେ ରାଜନୀତି ଛାଡିବାକୁ ଘୋଷଣା କରିଛନ୍ତି। ତେବେ ସେ ଭାଜପା ପାଇଁ କାର୍ଯ୍ୟ ଜାରି ରଖିବେ ବୋଲି ମଧ୍ୟ କହିଛନ୍ତି।
ବେଙ୍ଗାଲୁରୁ ଉତ୍ତରରୁ ପୁନର୍ବାର ନିର୍ବଚନ ଲଢିବା ପାଇଁ ଟିକେଟ ଦିଆଯାଉ ନ ଥିବାରୁ ଅସନ୍ତୋଷ ବ୍ୟକ୍ତ କରି କହିଛନ୍ତି ଯେ କର୍ନାଟକରେ ଭାଜପା ଏକ ପୃଥକ ଦଳ ବୋଲି କହିବାକୁ ଆଉ କିଛି ବାକି ନାହିଁ।
ପୂର୍ବତନ ଭାଜପା ରାଜ୍ୟ ସଭାପତି ଗୌଡା କହିଛନ୍ତି, ଏହା ମଧ୍ୟ ସତ୍ୟ ଯେ ଆମ ଦଳର ନେତାମାନେ ମଧ୍ୟ ମୋ ସହ ଯୋଗାଯୋଗ କରି ଆଲୋଚନା କରିଥିଲେ। ଗତକାଲି ରାତିରେ ଆମ ଦଳର ଜଣେ ପ୍ରତିଷ୍ଠିତ କାର୍ଯ୍ୟକର୍ତ୍ତା ମୋ ପାଖକୁ ଆସି ମୋତେ ବୁଝାଇବାକୁ ଚେଷ୍ଟା କରିଥିଲେ। ଏଥିସହ ସେ କହିଛନ୍ତି ଯେ ସେ ପୂର୍ବରୁ କଂଗ୍ରେସରେ ଯୋଗଦେବେ ନାହିଁ।