ଲଣ୍ଡନ,୨।୧୧: ଇଂଲଣ୍ଡ ଦଳ ଟି -୨୦ ବିଶ୍ୱକପ ୨୦୨୧ ର ସେମିଫାଇନାଲରେ ପ୍ରବେଶ କରିଛି। ତେବେ ଇଂଲଣ୍ଡ ଦଳ ସେମିଫାଇନାଲରେ ପହଞ୍ଚିବାର ଖୁସି ଫିକା ପଡିଯାଇଛି। ଇଂଲଣ୍ଡର ପୂର୍ବତନ ବୋଲର ଆଲାନ ଇଗଲ୍ସଡେନ ପରଲୋକ ଘଟିଛି। ତାଙ୍କୁ ୫୭ ବର୍ଷ ବୟସ ହୋଇଥିଲା ଏବଂ ସେ ଦୀର୍ଘ ସମୟ ଧରି ମସ୍ତିଷ୍କ ଟ୍ୟୁମର ସହିତ ଲଢୁଥିଲେ। ୧୯୮୪ରୁ ୧୯୮୯ ମଧ୍ୟରେ ଆଲେନ ୩ ଟି ଟେଷ୍ଟ ଏବଂ ୪ ଟି ଦିନିକିଆରେ ପ୍ରତିନିଧିତ୍ୱ କରିଥିଲେ।
ଏହି ସମୟ ମଧ୍ୟରେ ସେ ଅଷ୍ଟ୍ରେଲିଆ ବିପକ୍ଷ ଆଶେସ ସିରିଜରେ ଟେଷ୍ଟ ଡେବ୍ୟୁ କରିଥିଲେ। ଏହି ସମୟରେ ମାର୍କ ଟେଲର, ଷ୍ଟିଭ ୱଙ୍କ ପରି କିମ୍ବଦନ୍ତୀ ବ୍ୟାଟ୍ସମ୍ୟାନଙ୍କ ଉଇକେଟ ନେଇଥିଲେ। ଅନ୍ତର୍ଜାତୀୟ କ୍ରିକେଟରେ ଆଲେନ ମୋଟ ୮ଟି ଉଇକେଟ ନେଇଥିଲେ। ସେ କେଣ୍ଟ ପାଇଁ ୨୮୩ ମ୍ୟାଚ ଖେଳିଥିଲେ ଏବଂ ପ୍ରଥମ ଶ୍ରେଣୀ କ୍ରିକେଟ ଏବଂ ତାଲିକା ଏ ମ୍ୟାଚ ସହିତ ମୋଟ ୫୯୨ ଉଇକେଟ ନେଇଥିଲେ। ଆଲେନ ଏକଦା ଇଂଲଣ୍ଡର ଭବିଷ୍ୟତ ଭାବରେ ବିବେଚନା କରାଯାଉଥିଲା, କିନ୍ତୁ ଯେତେବେଳେ ସେ ନିଜ କ୍ୟାରିୟରରେ ସଫଳତାର ସିଡ଼ି ଚଢୁଥିଲେ, ସେତେବେଳେ ମସ୍ତିଷ୍କ ଟ୍ୟୁମରରେ ଆକ୍ରାନ୍ତ ହୋଇଥିଲେ। ଏହା ପରେ ସେ ୧୯୯୯ ମସିହାରେ କ୍ରିକେଟରୁ ଅବସର ନେଇଥିଲେ। ତାଙ୍କ ମୃତ୍ୟୁରେ ଇଂଲଣ୍ଡ କ୍ରିକେଟ୍ରେ ଶୋକର ଛାୟା ଖେଳିଯାଇଛି।