ନୂଆଦିଲ୍ଲୀ,୧ ।୮: ମଣିପୁର ପ୍ରଦେଶ କଂଗ୍ରେସ କମିଟି(ଏମ୍ପିସିସି)ର ପୂର୍ବତନ ଅଧ୍ୟକ୍ଷ ଗୋବିନ୍ଦଦାସ କନ୍ଥଉଜମ ରବିବାର ଭାରତୀୟ ଜନତା ପାର୍ଟି(ଭାଜପା)ରେ ସାମିଲ ହୋଇଛନ୍ତି । ସେ ମଣିପୁର ମୁଖ୍ୟମନ୍ତ୍ରୀ ଏନ୍ ବିରେନ ସିଂଙ୍କ ଉପସ୍ଥିତିରେ ଦଳର ସଦସ୍ୟତା ଗ୍ରହଣ କରିଛନ୍ତି । ଏହାପରେ ଗୋବିନ୍ଦଦାସ କହିଛନ୍ତି ଆସନ୍ତା ବର୍ଷ ମଣିପୁର ବିଧାନସଭା ନିର୍ବାଚନ ହେବାକୁ ଯାଉଛି ଆଉ ମୁଁ ଉକ୍ତ ନିର୍ବାଚନରେ ଭାଜପା ପାଇଁ ସମର୍ପିତ ଭାବେ କାମ କରିବି । ଦଳର ସଦସ୍ୟତା ନେବା ପରେ ସେ ଭାଜପାର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ସାକ୍ଷାତ୍ କରିଛନ୍ତି । ସୂଚନାଯୋଗ୍ୟ ଗୋବିନ୍ଦଦାସ ଗତ ମାସରେ ମଣିପୁର ବିଧାୟକ ଓ ଏମ୍ପିସିସିର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇ ଦେଇଥିଲେ । ବ୍ୟକ୍ତିଗତ କାରଣ ଦର୍ଶାଇ ସେ ଦଳ ଛାଡିଥିବା କହିଥିଲେ । ଯାହା ପରେ କଂଗ୍ରେସକୁ ବଡ ଝଟକା ଲାଗିଥିଲା ।