ବୋଲଗଡ/ବେଗୁନିଆ,୨୫। ୧ (ଡି.ଏନ୍.ଏ.): ବୋଲଗଡ଼-ବେଗୁନିଆର ପୂର୍ବତନ ବିଧାୟକ ସୁରେନ୍ଦ୍ର ନାଥ ମିଶ୍ରଙ୍କର ରବିବାର ସନ୍ଧ୍ୟାରେ ଭୁବନେଶ୍ୱରସ୍ଥିତ ଏକ ଘରୋଇ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ପରଲୋକ ହୋଇଯାଇଛି। ମୃତ୍ୟ ବେଳକୁ ତାଙ୍କୁ ୬୮ ବର୍ଷ ହୋଇଥିଲା। ତାଙ୍କ ମୃତ୍ୟୁ ଖବର ପ୍ରଚାରିତ ହେବା ପରେ ଉଭୟ ଅଞ୍ଚଳରେ ଶୋକର ଛାୟା ଖେଳିଯାଇଛି। ତେବେ ସେ କିଛି ଦିନ ଧରି ଅସୁସ୍ଥ ହୋଇଥିଲେ। ରବିବାର ହଠାତ୍ ସେ ଛାତିରେ ଯନ୍ତ୍ରଣା ଅନୁଭବ କରିବାରୁ ହସ୍ପିଟାଲ ନିଆଯଅଇଥିଲା। ତେବେ ସେଠାରେ ତାଙ୍କର ମୃତ୍ୟୁ ଘଟିଥିବା ପରିବାର ଲୋକ କହିଛନ୍ତି। ସ୍ବର୍ଗତ ମିଶ୍ରଙ୍କର ମରଶରୀରକୁ ଖଣ୍ଡଗିରିସ୍ଥିତ ଧର୍ମବିହାର ଅଞ୍ଚଳର ବାସଭବନରେ ରଖାଯାଇଛି। ତାଙ୍କ ମୃତଦେହ ନିକଟରେ ସ୍ତ୍ରୀ ଶାନ୍ତିଲତା ମିଶ୍ର ଥିବାବେଳେ ପରେ ଖବର ପାଇ ପୁତ୍ର ସୁଧିରଞ୍ଜନ ମିଶ୍ର ଓ ୨ ଝିଅ ଜ୍ୱାଇଁ ଏବଂ ୨ଭାଇ ପହଞ୍ଚତ୍ଥିଲେ। ସ୍ବର୍ଗତ ମିଶ୍ରଙ୍କ ମରଶରୀରକୁ ଶେଷଦର୍ଶନ ପାଇଁ ପ୍ରମୁଖ ବ୍ୟକ୍ତି ବିଶେଷମାନେ ଖଣ୍ଡଗିରିସ୍ଥିତ ବାସଭବନକୁ ପହଞ୍ଚତ୍ଛନ୍ତି । ସ୍ବର୍ଗତ ସୁରେନ୍ଦ୍ର ନାଥ ମିଶ୍ର ୧୯୯୦ଠାରୁ ୯୫ ପର୍ଯ୍ୟନ୍ତ ଜନତା ଦଳର ବିଧାୟକ ଥିଲେ।