ମଣ୍ଟେଭିଡିଓ (ଉରୁଗୁଏ), ୪ା୧୦ (ଏପି)-ଚିଲି ଓ ଇକ୍ୱେଡର ବିପକ୍ଷ ଦୁଇ ଓପନିଂ ରାଉଣ୍ଡ ମ୍ୟାଚ ପାଇଁ ଉରୁଗୁଏ ଦଳ ଘୋଷଣା କରାଯାଇଛି। ଦଳରେ ଅନୁପସ୍ଥିତ ରହିଥିବା ପ୍ରମୁଖ ଖେଳାଳିଙ୍କ ମଧ୍ୟରେ ରହିଛନ୍ତି ଷ୍ଟ୍ରାଇକର ଏଡିନ୍ସନ କାଭାନି। ପ୍ୟାରିସ ସେଣ୍ଟ ଜର୍ମେନଙ୍କ ସହ କାଭାନିଙ୍କ ଚୁକ୍ତି ଜୁନ୍ରେ ଶେଷ ହୋଇଥିଲା। ୩୩ ବର୍ଷୀୟ କାଭାନି ୩ ମାସ ହେଲା ବ୍ୟକ୍ତିଗତ ଭାବେ ଟ୍ରେନିଂ ନେଉଛନ୍ତି। ସେ ତାଙ୍କ ଭବିଷ୍ୟତକୁ ନେଇ ନିଷ୍ପତ୍ତି ନେଇ ସାରିଛନ୍ତି। ଉରୁଗୁଏ ଦଳରୁ ଆହୁରି ମଧ୍ୟ ଆଘାତପ୍ରାପ୍ତ ଗୋଲକିପର ଫର୍ନାଣ୍ଡୋ ମୁସ୍ଲେରା ଏବଂ କରୋନା ସଂକ୍ରମଣ ଯୋଗୁ ଡିଫେଣ୍ଡର ଜୋସ୍ ମାରିଆ ଜିମେଞ୍ଜ ବାଦ୍ ପଡ଼ିଛନ୍ତି। ଉରୁଗୁଏ ଅକ୍ଟୋବର ୮ରେ ମଣ୍ଟେଭିଡିଓଠାରେ ଚିଲି ଏବଂ ଏହାର ୫ ଦିନ ପରେ ଇକ୍ୱେଡର ସହ ମୁକାବିଲା କରିବ।