ଅସୁସ୍ଥ ହେଲେ ପୂର୍ବତନ ପ୍ରଧାନମନ୍ତ୍ରୀ ଖାଲିଦା ଜିଆ? ହସ୍ପିଟାଲରେ ଭର୍ତ୍ତି

ଢାକା,୧୨।୯: ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଖାଲିଦା ଜିଆଙ୍କୁ ଗୁରୁବାର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ୭୯ ବର୍ଷିୟ ବାଂଲାଦେଶ ନ୍ୟାସନାଲିଷ୍ଟ ପାର୍ଟି (ବିଏନପି) ଅଧ୍ୟକ୍ଷ ଗୁଲଶାନସ୍ଥିତ ବାସଭବନରୁ ସକାଳ ପ୍ରାୟ ୧ଟା ୪୦ରେ ଏଭରକେୟାର ହସ୍ପିଟାଲରେ ପହଞ୍ଚିଥିଲେ। ବିଏନପି ମିଡିଆ ସେଲ ସଦସ୍ୟ ସାୟରୁଲ କବୀର ଖାନ ଏହି ସୂଚନା ଦେଇଛନ୍ତି। ତାଙ୍କର ଚିକିତ୍ସକ ପ୍ରଫେସର ଏଜିଏମ ଜାହିଦ ହୁସେନ କହିଛନ୍ତି ଯେ ମେଡିକାଲ ବୋର୍ଡ ତାଙ୍କୁ କିଛି ପରୀକ୍ଷା ଦେବାକୁ କହିଛି। ଡାକ୍ତରଖାନାରେ ଭର୍ତ୍ତି ହେବା ପରେ ତାଙ୍କୁ ଏକ ଘରୋଇ କ୍ୟାବିନରେ ରଖାଯାଇଛି।

ଟେଷ୍ଟ ରିପୋର୍ଟ ସମୀକ୍ଷା କରିବା ପରେ ତାଙ୍କର ଚିକିତ୍ସା ତାରିଖ ସ୍ଥିର କରାଯିବ ବୋଲି ଡାକ୍ତର କହିଛନ୍ତି। ଅଗଷ୍ଟ ୨୧ ରେ, ଖାଲିଦା ଜିଆ ୪୬ ଦିନର ଚିକିତ୍ସା ପରେ ଘରକୁ ଫେରିଥିଲେ। ସୂଚନାଯୋଗ୍ୟ, ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଗତ ପାଞ୍ଚ ବର୍ଷ ଧରି ନଜରବନ୍ଦୀ ଥିଲେ। ରାଷ୍ଟ୍ରପତି ମହମ୍ମଦ ଶାହାବୁଦ୍ଦିନଙ୍କ ନିର୍ଦ୍ଦେଶ ପରେ ତାଙ୍କୁ ଚଳିତ ବର୍ଷ ଅଗଷ୍ଟ ୬ରେ ମୁକ୍ତ କରାଯାଇଥିଲା। ଅଗଷ୍ଟ ୫ରେ ଶେଖ ହସିନାଙ୍କ ନେତୃତ୍ୱାଧୀନ ଆୱାମୀ ଲିଗ ପତନ ପରେ ଜିଆ ତାଙ୍କ ବିରୋଧରେ ହୋଇଥିବା ସମସ୍ତ ଦୋଷରୁ ନିର୍ଦ୍ଦୋଷରେ ଖଲାସ ହୋଇଥିଲେ।