ନୂଆଦିଲ୍ଲୀ,୨୭।୧୨: ଦକ୍ଷିଣ ଆଫ୍ରିକାର ସୀମିତ ଓଭର ବିଶେଷଜ୍ଞ ତଥା ପୂର୍ବତନ ଟି -୨୦ ଅନ୍ତର୍ଜାତୀୟ ଅଧିନାୟକ ଫରହାନ୍ ବେହେରଡିଏନ୍ ମଙ୍ଗଳବାର କ୍ରିକେଟରୁ ଅବସର ଘୋଷଣା କରିଛନ୍ତି। ୩୯ ବର୍ଷୀୟ ଏହି କ୍ରିକେଟର ସୋସିଆଲ ମିଡିଆ ମାଧ୍ୟମରେ ଅବସର ନେବାକୁ ତାଙ୍କ ନିଷ୍ପତ୍ତି ଘୋଷଣା କରିଛନ୍ତି।
ଫରହାନ୍ କହିଛନ୍ତି ଯେ ୧୮ ବର୍ଷରୁ ଅଧିକ ସମୟ ଖେଳିବା ପରେ ପେସାଦାର କ୍ରିକେଟ ଛାଡିବା ନିଷ୍ପତ୍ତି କଷ୍ଟସାଧ୍ୟ ଅଟେ। ଏହି ନିଷ୍ପତ୍ତି ବିଷୟରେ ଚିନ୍ତା କରୁଥିବାରୁ ଗତ କିଛି ସପ୍ତାହ ତାଙ୍କ ପାଇଁ ବିଶେଷ କଷ୍ଟସାଧ୍ୟ ଥିଲା।
— Farhaan Behardien (@fudgie11) December 27, 2022
ପ୍ରକାଶ ଯେ, ଫରହାନ୍ ୫୯ ଦିନିକିଆ ଏବଂ ୩୮ ଟି -୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଥିଲେ। ୨୦୧୭ ରେ ସେ ଶ୍ରୀଲଙ୍କା ବିପକ୍ଷ ତିନି ମ୍ୟାଚ ବିଶିଷ୍ଟ ଟି -୨୦ ସିରିଜରେ ଦକ୍ଷିଣ ଆଫ୍ରିକାର ଅଧିନାୟକ ଦାୟିତ୍ୱ ନିର୍ବାହ କରିଥିଲେ। ଦିନିକିଆରେ ସେ ୧୦୭୪ ରନ ଏବଂ ଟି -୨୦ରେ ୫୧୮ ରନ୍ କରିଛନ୍ତି। ତେବେ ଘରୋଇ କ୍ରିକେଟରେ ତାଙ୍କର ରେକର୍ଡ ପ୍ରଭାବଶାଳୀ ରହିଥିଲା।
