ନୂଆଦିଲ୍ଲୀ,୨୭ ।୯: ପୂର୍ବତନ କେନ୍ଦ୍ରମନ୍ତ୍ରୀ ତଥା ଭାରତୀୟ ଜନତା ପାର୍ଟି(ଭାଜପା)ର ବରିଷ୍ଠ ନେତା ମେଜର(ଅବସରୀପ୍ରାପ୍ତ) ଯଶୱନ୍ତ ସିଂଙ୍କର ରବିବାର ସକାଳ ପ୍ରାୟ ୬ଟା ୫୫ ମିନିଟରେ ପରଲୋକ ହୋଇଛି । ମୃତ୍ୟୁ ବେଳକୁ ତାଙ୍କୁ ୮୨ ବର୍ଷ ବୟସ ହୋଇଥିଲା । ଦିଲ୍ଲୀ ସ୍ଥିତ ଆମି ରିସର୍ଚ୍ଚ ଆଣ୍ଡ ରେଫରାଲ ହସ୍ପିଟାଲ ପକ୍ଷରୁ ତାଙ୍କ ମୃତ୍ୟୁ ଖବର ଦିଆଯାଇଛି । ଜୁନ୍ ୨୫ରୁ ଆର୍ମି ହସ୍ପିଟାଲରେ ସେ ଚିକିତ୍ସିତ ହେଉଥିଲେ । ତାଙ୍କ ଶରୀରର ଅନେକ ଅଙ୍ଗ କାମ କରୁ ନ ଥିବା ବେଳେ ଅନେକ ସ୍ଥାନରେ ପୂଜ ହୋଇଯାଇଥିବା ହସ୍ପିଟାଲ ପକ୍ଷରୁ ସୂଚନା ଦିଆଯାଇଛି । ତାଙ୍କର କରୋନା ରପୋର୍ଟ ନେଗେଟିଭ ଥିବା ବେଳେ ହାର୍ଟ ଆଟାକରେ ମୃତ୍ୟୁ ହୋଇଥିବା କହିଛନ୍ତି ଡାକ୍ତର । ଗତପ୍ରାୟ ୬ ବର୍ଷ ହେବ ସେ ଅସୁସ୍ଥ ଥିଲେ । ପୂର୍ବତନ ପ୍ରଧାନମନ୍ତ୍ରୀ ସ୍ୱର୍ଗତ ଅଟଳ ବିହାରୀ ବାଜପେୟୀଙ୍କ ସରକରରେ ଯଶୱନ୍ତ ପ୍ରତିରକ୍ଷା ମନ୍ତ୍ରୀ ଭାବେ କାର୍ଯ୍ୟଭାର ତୁଲାଇଥିଲେ । ଯଶୱନ୍ତଙ୍କ ବିୟୋଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୋକ ପ୍ରକାଶ କରିବା ସହ ଟୁଇଟ୍ କରି କହିଛନ୍ତି, ଯଶୱନ୍ତ ସିଂ ତାଙ୍କ ଜୀବନକାଳରେ ଦେଶ ସେବା ପାଇଁ ଅଧିକ ସମୟ ଦେଇଛନ୍ତି । ପ୍ରଥମେ ଜଣେ ସେନା ଭାବେ ଓ ପରେ ଜଣେ ରାଜନେତା ଭାବେ ଦେଶପ୍ରତି ତାଙ୍କର ଅବଦାନ ମନେ ରହିବ । ଯଶୱନ୍ତ ସିଂ ବାଣିଜ୍ୟ, ପ୍ରତିରକ୍ଷା ଓ ବୈଦେଶିକ ବ୍ୟାପାର ମନ୍ତ୍ରୀ ଭାବେ ଯେଉଁ ଛାପ ଛାଡି ଯାଇଛନ୍ତି ତାହା ସବୁଦିନ ପାଇଁ ରହିଯିବ । ତେବେ ସିଂଙ୍କ ବିୟୋଗରେ ସବୁ ମହଲରୁ ଶୋକ ପ୍ରକାଶ କରାଯାଇଛି । ସୂଚନାଯୋଗ୍ୟ, ୨୦୧୪ରେ ମୁଣ୍ଡରେ ଆଘାତ ଲାଗିବା ପରଠାରୁ ସେ ଏକ ପ୍ରକାର କୋମାରେ ଥିଲେ ବୋଲି କୁହାଯାଏ ।