ଲକ୍ଷ୍ନୌ,୨୫।୮: ଉତ୍ତର ପ୍ରଦେଶର ପୂର୍ବତନ ମନ୍ତ୍ରୀ ଅମରମଣି ତ୍ରିପାଠି ଓ ତାଙ୍କ ପତ୍ନୀ ମଧୁମଣି କବୟତ୍ରୀ ମଧୁମିତା ଶୁକ୍ଳା ହତ୍ୟାକାଣ୍ଡରେ ଦୋଷୀ ସାବ୍ୟସ୍ତ ହୋଇଥିଲେ। ସେବେଠାରୁ ସେ ଆଜୀବନ କାରାଦଣ୍ଡ ଭୋଗୁଛନ୍ତି। ବର୍ତ୍ତମାନ କବି ମଧୁମିତା ଶୁକ୍ଲା ହତ୍ୟା ମାମଲା ୨୦ ବର୍ଷ ପୂରଣ କରିବା ପରେ ସରକାର ଉଭୟଙ୍କୁ ମୁକ୍ତ କରିବାକୁ ନିର୍ଦ୍ଦେଶ ଦେଇଛନ୍ତି। ରାଜ୍ୟପାଳଙ୍କ ଅନୁମତି କ୍ରମେ ଜେଲ ପ୍ରଶାସନ ଏବଂ ସଂସ୍କାର ବିଭାଗ ଦ୍ୱାରା ଏହି ନିର୍ଦ୍ଦେଶ ଦିଆଯାଇଛି।
ସୂଚନାଯୋଗ୍ୟ, ଉତ୍ତରପ୍ରଦେଶର ମହାରାଜଗଞ୍ଜର ଲକ୍ଷ୍ମୀପୁର ବିଧାନସଭାର ବିଧାୟକ କବି ମଧୁମିତା ଶୁକ୍ଲାଙ୍କ ହତ୍ୟା ମାମଲାରେ ପୂର୍ବତନ କ୍ୟାବିନେଟ ମନ୍ତ୍ରୀ ଅମରମଣି ତ୍ରିପାଠୀ ଏବଂ ତାଙ୍କ ପତ୍ନୀ ଦୋଷୀ ସାବ୍ୟସ୍ତ ହୋଇଥିଲେ। ଏହା ପରେ କୋର୍ଟ ତାଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଥିଲେ। ବର୍ତ୍ତମାନ, ଏହି ମାମଲାର ୨୦ ବର୍ଷ ପରେ ଅମରମଣି ତ୍ରିପାଠୀଙ୍କୁ ତାଙ୍କର ଭଲ ଆଚରଣ ହେତୁ ବାକି ଦଣ୍ଡକୁ କ୍ଷମା କରାଯାଇଛି।
ସୂଚନାଯୋଗ୍ୟ, ମେ ୯, ୨୦୨୩ରେ ଲକ୍ଷ୍ନୌର ନିଶାଟଗଞ୍ଜର ପେପର ମିଲ କଲୋନୀରେ ଜଣାଶୁଣା କବି ମଧୁମିତା ଶୁକ୍ଲାଙ୍କୁ ଗୁଳି କରି ହତ୍ୟା କରାଯାଇଥିଲା। ଏହି ପ୍ରସଙ୍ଗରେ ରାଜନୀତି ଜୋର ଧରିବା ପରେ ତତ୍କାଳୀନ ମୁଖ୍ୟମନ୍ତ୍ରୀ ମାୟାବତୀ ଏହି ହତ୍ୟା ମାମଲାର ତଦନ୍ତ ସିବିଆଇକୁ ଦେଇଥିଲେ। ଯାଞ୍ଚବେଳେ ଅମରମଣି ସାକ୍ଷୀମାନଙ୍କୁ ଧମକ ଦେଇଥିବା ଅଭିଯୋଗ ହୋଇଥିଲା, ପରେ ମାମଲାଟି ଡେରାଡୁନର ଫାଷ୍ଟ ଟ୍ରାକ କୋର୍ଟକୁ ସ୍ଥାନାନ୍ତର କରାଯାଇଥିଲା। ଯେଉଁଠାରେ ଅନୁସନ୍ଧାନକାରୀ ସଂସ୍ଥା ଅମରମଣି ଏବଂ ତାଙ୍କ ପତ୍ନୀ ମଧୁମଣିଙ୍କୁ ଦୋଷୀ ସାବ୍ୟସ୍ତ କରିଥିଲେ।
