ଡେରାଡୁନ,୨୭ ।୧: ଉତ୍ତରାଖଣ୍ଡର ପୂର୍ବତନ ପ୍ରଦେଶ କଂଗ୍ରେସ ଅଧ୍ୟକ୍ଷ କିଶୋର ଉପାଧ୍ୟାୟ ଗୁରୁବାର ଭାରତୀୟ ଜନତା ପାର୍ଟି(ଭାଜପା)ର ଯୋଗ ଦେଇଛନ୍ତି । ଏହି ସମୟରେ ସେ ଗଣମାଧ୍ୟମକୁ କହିଛନ୍ତି ଉତ୍ତରାଖଣ୍ଡକୁ ଆଗକୁ ନେଇ ଯିବାକୁ ସେ ଭାଜପାରେ ଯୋଗ ଦେଇଛନ୍ତି । ବିଧାନସଭା ନିର୍ବାଚନ ପୂର୍ବରୁ ଏହା କଂଗ୍ରେସକୁ ବଡ ଝଟକା ଦେଇଛି । ବୁଧବାରଠରୁ ଅନୁମାନ କରାଯାଉଥିଲା କି କିଶୋର ଉପାଧ୍ୟାୟ କଂଗ୍ରେସ ଛାଡିବା ପରେ ଭାଜପାରେ ଯୋଗ ଦେଇ ପାରନ୍ତି । ସୂଚନାଯୋଗ୍ୟ, ନିକଟରେ ଦଳ ବିରୋଧି କାର୍ଯ୍ୟ ଅଭିଯୋଗରେ ତାଙ୍କୁ ଦଳର ସମସ୍ତ ପଦରୁ ହଟାଇ ଦିଆଯାଇଥିଲା । ଉତ୍ତାରାଖଣ୍ଡ କଂଗ୍ରେସର ପ୍ରଦେଶ ପ୍ରଭାରୀ ଦେବେନ୍ଦ୍ର ଯାଦବ, କିଶୋର ଉପାଧ୍ୟାୟଙ୍କୁ ସମସ୍ତ ପଦରୁ ହଟାଇବାକୁ ନିର୍ଦ୍ଦେଶ ଜାରି କରିଥିଲେ । ସେ କହିଥିଲେ ଉ୍ତ୍ତରାଖଣ୍ଡ ଲୋକ ପରିବର୍ତ୍ତନ ଚାହୁଁଛନ୍ତି ଓ ଭାଜପା ସରକାରଙ୍କୁ ହଟାଇବାକୁ ଚାହୁଁଛନ୍ତି । ତେଣୁ ଜନତାଙ୍କ ହିତ ପାଇଁ ଆମ ସମସ୍ତଙ୍କୁ କାର୍ଯ୍ୟ କରିବାକୁ ପଡିବ । ଏଥିପାଇଁ ଆମକୁ ଲଢେଇ କରିବାକୁ ପଡିବ । ହେଲେ କିଶୋର ଉପାଧ୍ୟୟ ଏହି ଲଢେଇକୁ ଦୁର୍ବଳ କରିବାକୁ ଚାହୁଁଛନ୍ତି । ସେ ଭାଜପା ଓ ଅନ୍ୟ ରାଜନୈତିକ ଦଳ ସହ ମିଶୁଛନ୍ତି ତେଣୁ ତାଙ୍କୁ ସମସ୍ତ ପଦରୁ ହଟାଇ ଦିଆଯାଉଛି ।
