ନୂଆଦିଲ୍ଲୀ,୩।୧୦: ହାଇ ପ୍ରୋଫାଇଲ ନିଶା କାରବାର ମାମଲାରେ ଗିରଫ ହୋଇଛନ୍ତି ବଲିଉଡ୍ର କିଙ୍ଗ୍ ଖାନ ଶାହାରୁଖ ଖାନଙ୍କ ପୁଅ ଆର୍ଯ୍ୟନ। ତାଙ୍କ ପାଖରୁ ଅନେକ ନିଶାଦ୍ରବ୍ୟ ମିଳିଛି। ଏହି ତାଲିକାରେ ୧୩ ଗ୍ରାମ କୋକେନ, ୨୧ ଗ୍ରାମ ଚରସ, ୨୨ଟି ଏମ୍ଡିଏମ୍ଏ ବଟିକା ଓ ୫ ଗ୍ରାମର ଏମ୍ଡି ରହିଥିବା ନାର୍କୋଟିକ କଣ୍ଟ୍ରୋଲ ବ୍ୟୁରୋ (ଏନ୍ସିବି) ପକ୍ଷରୁ କୁହାଯାଇଛି।
ଶାହାରୁଖଙ୍କ ପୁଅଙ୍କୁ ନିଷିଦ୍ଧ ନିଶାଦ୍ରବ୍ୟ କିଣିବା, ସେବନ କରିବା ଓ ପାଖରେ ରଖିବା ମାମଲାରେ ଗିରଫ କରାଯାଇଛି। ଉଲ୍ଲେଖଯୋଗ୍ୟ, କ୍ରୁଜ ଯାହଜରେ ରବିବାର ରାତିରେ ପାର୍ଟି ଚାଲିଥିବା ବେଳେ ଏନ୍ସିବି ଅଧିକାରୀମାନେ ଚଢ଼ାଉ କରିଥିଲେ। ଚଢ଼ାଉ ପରେ ଆର୍ଯ୍ୟନଙ୍କ ସମେତ ୮ ଜଣଙ୍କୁ ପଚରାଉଚୁରା କରାଯାଇଥିଲା।