ଭୁବନେଶ୍ୱର,୨୪।୧୦: ନ୍ୟାଶନାଲ କାଉନସିଲ୍ ଫର୍ ସିମେଣ୍ଟ ଆଣ୍ଡ ବିଲ୍ଡିଂ ମ୍ୟାଟେରିଆଲ୍ସ(ଏନ୍ସିସିବିଏମ୍) ଭୁବନେଶ୍ୱର ୟୁନିଟ୍ର ସମ୍ପ୍ରସାରଣ ପାଇଁ ଏକ ଅତ୍ୟାଧୁନିକ ‘ରିସର୍ଚ୍ଚ ଆଣ୍ଡ ଲାବରେଟୋରି’ ବିଲ୍ଡିଂର ଶିଳାନ୍ୟାସ ସମାରୋହ ରବିବାର ଅନୁଷ୍ଠିତ ହୋଇଯାଇଛି। ଏହି ଅବସରରେ ଓଡ଼ିଶା ସରକାରଙ୍କ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ମୁଖ୍ୟ ଅତିଥି ଭାବେ ଯୋଗଦେଇ ଏହାର ଶିଳାନ୍ୟାସ କରିଥିଲେ।
ଅନ୍ୟମାନଙ୍କ ମଧ୍ୟରେ ଏନସିସିବିଏମ୍ର ମହାନିର୍ଦ୍ଦେଶକ ଡ. ବିବେକାନନ୍ଦ ମହାପାତ୍ର, ଏନ୍ସିସିବିଏମ୍ ସଚବି ଡ.ଏସ୍.କେ. ଚତୁର୍ବେଦୀଙ୍କ ସମେତ ହାଇଦ୍ରାବାଦ ଏବଂ ଭୁବନେଶ୍ୱର ଏନ୍ସିସିବିଏମ୍ ୟୁନିଟ୍ ଇନ୍ଚାର୍ଜ ଡ. ବି. ପାଣ୍ଡୁରଙ୍ଗା ରାଓ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ଅପରପକ୍ଷରେ ଶିଳାନ୍ୟାସ ସମାରୋହ ପରେ ସିମେଣ୍ଟ ଏବଂ ବିଲ୍ଡିଂ ମ୍ୟାଟେରିଆଲ୍ସର ମେକାନିକାଲ ଟେଷ୍ଟିଙ୍ଗ୍, କେମିକାଲ ଆନାଲିସିସ୍, କଂକ୍ରିଟ୍ ମିଶ୍ରଣ ଅନୁପାତ ଲାବ୍, କଂକ୍ରିଟ୍-ନନ୍ ଡେସ୍ଟ୍ରକ୍ଟିଭ ଟେଷ୍ଟିଙ୍ଗ୍ ଲାବରେଟୋରି ଆଦି ପରିଦର୍ଶନ କରିବା ସହ ଭୁବନେଶ୍ୱର ଏନ୍ସିସିବଏମ୍ ପରିସରରେ ଚାରାରୋପଣ କରିଥିଲେ।
ଏହି ପରିପ୍ରେକ୍ଷୀରେ ବାଣିଜ୍ୟ ଏବଂ ଶିଳ୍ପ ମନ୍ତ୍ରଣାଳୟ ସଚିବ ଅନୁରାଗ ଜୈନ କହିଛନ୍ତି, ଭୁବନେଶ୍ୱର ଏନ୍ସିସିବିଏମ୍ ଯୁନିଟ୍ ପ୍ରତିଷ୍ଠା ପାଇଁ କେନ୍ଦ୍ର ସରକାର ସହାୟତା ପ୍ରଦାନ କରିଥିବାରୁ ସରକାରଙ୍କୁ ଧନ୍ୟବାଦ ଜଣାଉଛୁ। ଉକ୍ତ କାର୍ଯ୍ୟକ୍ରମରେ ଓଡ଼ିଶା ସରକାରଙ୍କ ଉଚ୍ଚପଦସ୍ଥ ଅଧିକାରୀଙ୍କ ସହ ପିଏସୟୁ ଏକାଡେମିକ୍, ଶିଳ୍ପ ବର୍ଜ୍ୟବସ୍ତୁ ଉପତ୍ାଦନ କାରଖାନା, ଓଡ଼ିଶାର ସିମେଣ୍ଟ ଉପତ୍ାଦନ କାରଖାନାର ଅଧିକାରୀ ଏବଂ ଛାତ୍ରୀଛାତ୍ରମାନେ ଯୋଗ ଦେଇଥିଲେ।
